KOMUNIKADO DI KUERPO POLISIAL KÒRSOU Kontròl di tráfiko
KOMUNIKADO DI KUERPO POLISIAL KÒRSOU
282 / 2017
30 yüli 2017
Kontròl di tráfiko
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Riba djabièrnè 28 i djasabra 29 di yüli 2017, personal di departamento di tráfiko, HITeam i personal di Tim di Mantenshon di órden Públiko a tene kòntròl di tráfiko riba F.D. Rooseveltweg ku e aksènt riba manehá bou di influensia di alkohòl. Ministerio Públiko tabata presente i a atendé ku personanan ku tabatin debe di but atrasá. E kontròlnan aki a tuma lugá entre 23.30 or di anochi pa 03.00 or di mardugá.
Polis a kontrolá un total di 114 vehíkulo i a partí un total di 25 prosèsverbal pa e siguiente infrakshonnan:
Manehá un vehíkulo sin faha di seguridat 5
Manehá un vehíkulo sin reibeweis bálido 7
Manehá un vehíkulo sin seguro bálido 2
Manehá un vehíkulo sin plachi number dilanti ni reibeweis 1
Manehá un vehíkulo sin number pagá 2
Manehá un vehíkulo sin karchi di kùr/seguro/reibeweis ni number pagá 3
Bentana di e vehíkulo di plak skur 1
Manehá un vehíkulo sin karchi di kùr/ni seguro pagá 1
Manehá un vehíkulo sin faha di seguridat/ ni reibeweis 2
Detenshon pa manehá vehíkulo bou di influensia di alkohòl 1
Durante di e kòntròl aki polis a konfiská 6 vehíkulo, unu (1) pa kontrol tékniko i e otro sinku (5) pa motibu ku nan dokumento(nan) no tabata na òrdu. Un total di 26 persona ku tabatin debe di but atrasá mester a paga.
E kontròlnan ta kontinuá.