Di 4 edishon Akademia ShowBizz Danny Yanga ta bai Transformá i trese Kambio den e muchanan

July 31, 2017 REDAKSHON

E dia tan spera ta bai yega kaminda Akademia ShowBizz ta habri su portanan atrobe pa e di 4 edishon i asina kuminsá ku e tremendo kursonan di kanta, aktua, baila, ekspreshon i modelahe.
Meta di e kurso ta pa desaroyá e parti disiplinario pa ku e muchanan su talento. ShowBizz ta sigui engrande brindando pueblo di Kòrsou tantu mucha, hóben i aldultonan e kursonan kaminda 5 dosente kalifiká ta bai pasa nan eksperensia over na tur partisipante.
E kursonan ta tuma lugá tur djasabra di 2’or di mèrdia pa 5’or na Akademia di Arte, Dilanti di Misa di Pietermaai.
E kursonan ta intensivo i a keda demostrá ku den un korto tempu (1 luna o algu mas) por mira desaroyo tantu físiko i mental di e partisipantenan. Un kurpa i mente disipliná den e fasetanan aki ta un futuro briante garantisá, kaminda ta lanta animo, mas siguridat den bo mes i ta aun mas garantia pa ku bo propio logronan.
ShowBizz ta kuminsá ku su di 4 edishon kaminda e fokus ta pa amplia konosementu i lanta kurashi den kada un persona ku ta parti di ShowBizz. Manera ta kustumber e kurso ta dura 4 luna ku un kulminashon di un tremendo show di klousura ku e partisipantenan na WTC.
Di e manera aki Danny Yanga ta yama bon bini na tur mucha, hóben i adulto ku kier pasa den e kurso di ShowBizz. E kursonan ta pa tantu mucha hòmber i muhé i ta kuminsa for di na edat di 5 aña. Komo nos pais ta unu multitalentoso nos por hasi tèst ku muchanan di 4 aña pa wak si nan tambe por ta parti di e edishon # 4 di ShowBizz.
Pues dia 5 di ougùstùs ta bai ta unu informativo i alabes e dia ku por inskribí i sera konosí un tiki mas di loke ta trata e kurso. Nos di ShowBizz ta garantisá ku e kambio ta kuminsá for di momentu ku e mucha hasi inskripshon. Bo yu òf abo hóben, adulto bo ta den bon man sigur.
E preis pa partisipá den e kurso ta mara na edat di 5 pa 8 aña, 9 pa 14 aña i 15 aña pa riba. E persona di edat mas haltu tambe ta bon bini pa sigui e kurso debí ku nos ta kere ku pa bo ekspresá bo talento no tin edat mara na dje.
Dia 5 di ougùstùs tin “E Dia Habri” pa tuma informashon i por paga e inskripshon i e promé lès di luna. E promé lès ta dia 12 di ougùstùs i ta kulminá ku e show grandi den luna di desèmber den WTC.
Pa mas informashon i kosto di kes etc, yama Danny Yanga na 521-3700/ 462-2332 òf 560-6225. ShowBizz ta garantisá e kurso ku ta traha riba desaroyo, konfiansa i disiplina. Nos ta warda tur mucha, hóben i adulto ku kier a partisipá djasabra 5 di ougùstùs na Kura di Arte dilanti Misa di Pietermaai entre 10:00 di mainta pa 2:00 di mèrdia.