Entrante  djabièrnè awó ta bai hasi trabounan na supstashon Parera pa remediá e situashon ku por surgi ora tin un fayo tékniko den e ret di distribushon i  ku e ta tira un área mas grandi ku ta nesesario afó,  manera a sosodé djamars último. 


Entrante  djabièrnè awó ta bai hasi trabounan na supstashon Parera pa remediá e situashon ku por surgi ora tin un fayo tékniko den e ret di distribushon i  ku e ta tira un área mas grandi ku ta nesesario afó,  manera a sosodé djamars último. Apesar ku nos no ta spera nada partikular, mester tene kuenta ku durante  e trabounan por surgi un interupshon imprevisto.
Willemstad, Investigashon a mustra ku e kousa di e interupshon di koriente ku a surgi djamars ultimo den oranan di mèrdia pa atardi na supstashon Parera  ku a laga vários bario pariba di Kòrsou sin koriente pa vários ora, tabata un fayo tékniko den sistema di siguridat i protekshon outomátiko di e ret di 12 kV. Esaki a kousa un interupshon di koriente den un área muchu mas grandi ku solamente e área afektá  pa e korto sirkuito.  
Pa e motibu aki téknikonan di Aqualectra ta bai hasi trabounan di reparashon i adaptashon nesesario na e sistema di seguridat na supstashon Parera pa evitá ripitishon di loke a sosodé.  Ta inisiá ku e trabounan for di djabièrnè 4 di ougùstùs i esaki por sigui durante hinter e wikènt aki.
Apesar ku no ta spera nada partikular i  Aqualectra debidamente ta tuma tur medida di prekoushon nesesario, pero semper mester tene kuenta ku durante periodo di e trabounan aki por surgi un fayo tékniko imprevisto ku por kousa  interupshon riba e ret di distribushon di koriente.
Areanan ku por keda afektá  den kaso di un interupshon ta besindario di Parera, Baai Macola, Container haven, Saliña, Zeelandia, Nieuwe Haven, Rooi Catoochi, Groot Davelaar, Janwe,  Domingitu, Koraalspecht, Bottelier, Nieuwe Caracasbaaiweg, Oude Caracasbaaiweg Orange estate i Lagunisol. 
Aqualectra den e kuadro aki ta gradisí pueblo di Kòrsou pa e komprenshon i ta pidi diskulpa pa pa kualke inkumbiniensia ku por surgi durante e trabounan aki. 

Aqualectra ta sigui invertí pa Bo!

Atentamente

Gerensia di Aqualectra

3 di ougùstùs 2017

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: