Orashon djaweps 19 di aprel 2018

Orashon djaweps 19 di aprel 2018

‘Niun hende no por bini serka Mi, si mi Tata ku a manda Mi no hal’é serka Mi; anto Ami lo lant’é for di morto riba e último dia. Ta skibí den buki di e profetanan: “Dios lo siña tur hende.” Tur ku a skucha Tata i siña di djE ta bini serka Mi. No ku niun hende a yega di mira Tata; ta solamente Esun ku ta bini di Dios a mira Tata. Mi ta sigurá boso: esun ku kere, tin bida eterno. Ami ta e pan ku ta duna bida! Boso antepasadonan a kome mana den desierto i nan a muri! Ma esaki ta e pan ku ta baha for di shelu; si un hende kome for di dje, e no ta muri. Ami ta e pan bibu ku a baha for di shelu. Si un hende kome e pan akí, e ta biba pa semper. E pan ku Ami lo duna ta mi mes karni, ku Mi ta duna pa mundu haña bida!’ ‘ Huan 6:44-51