Swim Club Orca Curaçao ku medaya di plata den waterpolo, pa hende muhé kategoria señor, na Medellin, Colombia
Swim Club Orca Curaçao ku medaya di plata den waterpolo, pa hende muhé kategoria señor, na Medellin, Colombia
Ekipo di waterpolo di Swim Club Orca Curaçao a kaba di sali Medellín, Colombia den e fin di siman ku a pasa. “Orca ” a sali na di dos lugá den invitashonal di “El club poloaquático Medellín”. Den e promé ronda Orca a gana di Universidat di Antioquia ku skor di 16-7. Orca su di dos wega tabata kontra “El Club”, Orca a gana e wega ku skor di 10-8. E di tres wega Orca a pèrdè konta Medellín 14-2. Den semi- final Orca a bolbe gana di “El club” 9-8.
Den final Orca a topa e ekipo di Medellín, ku porsierto ta e mihó tim di waterpolo na Colombia. E tim aki tin mas representante ku tur e otro timnan den selekshon di Colombia. Den e wega aki Orca a pèrdè 10-7. Swim Club Orca Curaçao ta super orguyoso di e tim di damas ku a partisipá na e torneo invitashonal di “El club poloaquático Medellín” .Nos por a mira un kresementu grandi di Orca den e torneo. Mester bisa ku Orca tabata reforsá ku tres hungadó di Boneiru di e klup di natashon i waterpolo Baracudas. Mester menshoná ku e kiper tabata di Boneiru, un damita di apenas 14 aña so di edat ku a hunga algun tremendo partido, kontra damanan señor ku hopi nivel.
Esaki ta laga demonstra ku tin futuro den e deporte di waterpolo na Boneiru i tambe na Kòrsou.
Si tin mucha muhé (mucha hòmber tambe) ta deseá di hasi e deporte aki djis wak nos FB página, Swim Club Orca Curaçao òf manda un email na swimcluborcacuracao@gmail.com òf por yama na telefon 529 6586.