Den un reunion solèm riba djárason, 25 di aprel 2018, Parlamento di Kòrsou a para ketu ku e aña aki Kòrsou ta selebrá 80 aña di Demokrasia Parlamentario.
Den un reunion solèm riba djárason, 25 di aprel 2018, Parlamento di Kòrsou a para ketu ku e aña aki Kòrsou ta selebrá 80 aña di Demokrasia Parlamentario.
Tabata 5 di aprel 1938 ku e promé reunion di “Koloniale Raad”, ku despues a bira Parlamento di Antia, a tuma lugá. Hòmber i muhénan balente den nos historia a habri kaminda ku a hiba nos awe na un demokrasia bibu.
Tambe Parlamento a duna atenshon na e echo ku e aña aki a kumpli 70 aña ku a introdusí e derechi di voto general na Kòrsou, inkluso pa e hende muhénan ku por a hasi uso di nan derechi di voto. Un danki speshal a bai na e grupo yamá “Damanan di djárason” ku a hiba un lucha fuerte pa logra ku e hende muhénan den nos pais tambe a haña nan derechi di voto. Den kuadro di esaki señora Helga Mensing a hiba un disertashon i a keda onrá pa Parlamento. Señora Helga Mensing ta e persona ku ta hasiendo esfuerso pa konsientisá e generashonnan mas hóben pa apresiá e trabounan di esnan ku a bai nos dilanti i speshal e “Damanan di djárason”.