Informashon eroneo rondo di miembro di USAC riba media sosial

Distinguido sra. Heyliger,

 

Direktiva di USAC despues di a risibi i a tuma nota di imagen i potret kaminda un di nos miembronan presuntamente lo a hasi su mes kulpabel na yuda un sra. bula muraya di Parke Heintje Kool djadumingu 22 di aprel 2018.

 

Direktiva di USAC despues di a sinta ku su miembro kual a aparese riba e imagen kual tabata riba medianan sosial kier aklara lo siguiente.

Durante di e di dos partido kaminda nos arbitronan na Parke Heintje Kool tabata den kamerin, un di nos arbitronan a sali for di kamerin i a bai atende ku klupnan riba kopia di e line-up sheet pa e skorer. Despues di a hasi esaki e arbitro aki, e arbitro regresa e kamerin di arbitronan.

Na momento ku e arbitro aki tabata para den porta di kamerin, e la tende un hende ta yama.

Ora ela bai wak e a mira un sra riba e muraya ku ta kore den foul entre tersera i left. A resulta di ta un sra di edat ku a splika e arbitro ku e la kana na rant di e muraya keriendo ku e por a sali na Samira. E sra. a splika ku e la kana for di schottegatweg noord i no por a bira bek.

E miembro di USAC aki a tuma e dos tasnan serka e sra, i a buska un stul pa e sra. baha for di e muraya. Despues di esaki ta mustra e sra. korektamente unda e salida ta.

Pues e sra. di edat aki tabata kompletamente konfundi, i a wordu yuda pa baha for di e muraya i a wordu mustra unda e salida ta pa e por a bandona e stadion, e bewakernan na porta por a testigua esaki.

 

Pues direktiva di USAC ta lamenta ku eroneamente kier a laga parse ku un miembro di USAC lo tabata yuda un hende pa drenta via di muraya.

Direktiva di USAC ta spera ku esaki lo trese klarifikashon den henter i asuntu aki, i ta spera ku den futuro ta averigua prome ku daña imagen di nos miembro i nos organisashon.

Sr. Roald Gijsbertha                                                 Sr. Kenneth Pieter

Presidente,                                                               Sekretario,

Cc: Prensa