NOS SELEKSHON DI DAMA SENIOR TA KEDA NA SEGUNDO PUESTO DURANTE E WOMEN’S CHALLENGE SERIES 2018!
NOS SELEKSHON DI DAMA SENIOR TA KEDA NA SEGUNDO PUESTO DURANTE E WOMEN’S CHALLENGE SERIES 2018!
Nos selekshon di dama senior a regresá dia 30 di aprel último, despues di a keda na di segundo puesto durante e Women’s Challenge Series 2018 organisá pa CFU. E torneo aki a tuma lugá aya na Antigua & Barbuda di 25 pa 29 di aprel último kaminda nos selekshon di dama senior a hasi un bon papel durante e torneo aki ku a funhi komo un torneo pa
‘warm-up’ i prepará pa e promé buèlta di e partidonan di e CONCACAF Caribbean Woman’s Qualifier 2018 ku lo tuma lugá den e luna aki na Antigua & Barbuda mes. Pues nos selekshon ta bai kontinuá ku training i demas preparashonnan pa e kompromiso serio ku ta na kaminda.
Nos selekshon tabata forma parti di grupo D ku a konsistí di e siguiente paisnan;
- Antigua & Barbuda
- Guadeloupe
- Kòrsou
E ekipo di Monserrat tambe tabata forma parti di e grupo aki pero lamentabelmente ela retirá for di e kampionato.
Resultado di weganan:
Fecha | Resultado | Tim di kas | Bishitante | Lugá | |
1 | 25 aprel 18 | 2-3 | Guadeloupe | Kòrsou | Sir Vivian Cricket Stadium
(Antigua & Barbuda) |
2 | 27 aprel 18 | 2-1 | Antigua & Barbuda | Kòrsou | |
3 | 29 aprel 18 | 3-0 | Antigua & Barbuda | Guadeloupe |
Den nos promé partido kontra Guadeloupe, nos a sa di sali viktorioso ganando ku e skor di 3 pa 2. Samantha Statia, Diante Scheepers i Nuhely Emerenciana tabata esnan ku a anotá e golnan di nos selekshon. Durante nos segundo enkuentro kontra e ekipo amfitrion, Antigua & Barbuda, nos a kai chikí i a pèrdè ku e skor pèrtá di 2-1. E úniko gol di nos selekshon tabata un outogol di Antigua & Barbuda.
Ku e resultadonan aki nos a tèrminá na segundo puesto ku 3 punto miéntras, Antigua & Barbuda a keda na promé lugá ku 6 punto.
Nos selekshon nashonal di dama senior tabata konsistí di un grupo di 20 hungadó ku a wòrdu dirihí pa Sr. Christopher Jacobus ku ta e entrenadó di e selekshon aki i Sr. Andreas Aitatus ku ta e asistente di e entrenadó.
Tambe a biaha huntu ku e selekshon Sra. Gwensca Angelica ku tabata esun enkargá ku e materialnan, un masahista ku ta Sra. Amaryllis Lichtenberg-Lacroes i e hefe di delegashon ku ta Sr. Stanley Coffy, miembro di direktiva di FFK.
Nos selekshon a konsistí di e siguiente hungadónan:
- Angelique Antonio
- Curilma Carolina
- Shadé Desir
- Stephenie Djaoen
- Nuhely Emerenciana
- Lindsey Hart
- Rosheny Kastaneer
- Yasmin Levens
- Kadisha Martina
- Sjulieenne Martina
- Goodness Njoku
- Diante Scheepers
- Kiara Snel
- Samantha Statia
- Staygin Stephens
- Ruayna Stroop
- Riesmarly Tokaay
- Naomie Valoriaan
- Saskia van de Mars
- Johanna van Leeuwen
FFK ta felisitá nos selekshon di dama senior pa e bon trabou ku nan a hasi na Antigua & Barbuda durante e Women’s Challenge Series 2018 organisá pa CFU i ta deseá nan éksito pa e próksimo kompromiso ku ta bin na kaminda.