KOMUNIKADO DI KUERPO POLISIAL KÒRSOU

188 / 2018
3 mei 2018

Polis ta pidi yudansa pa solushoná kaso di ladronisia ku violensia.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djárason 17 di yanüari 2018, alrededor di 14.39 or, un kaso di ladronisia ku violensia a tuma lugá na e sitio kaminda e organisashon “Ride for the Roses” tabata tin inskripshon pa partisipantenan ku tur aña ta partisipá na e aktividat aki pa rekoudá fondo pa Whilhelminafonds ku na su turno ta yuda personan ku tin e malesa di kanser.
E dia en kuestion durante di e aktividat aki ku a tuma lugá riba Schottegatweg Oost na altura di un banko, dos(2) hòmber bou di menasa a bai ku e kaha di sèn di e organisashon. E sospechoshonan a hui den un Hyundai Elantra sin plachi di number direkshon di Saliña.
Relashoná ku e kaso aki, polis ta pidi kualke persona ku por rekonosé e sospechoso(nan) riba e video aki, pa pasa e informashon pa polis.
Por tuma kontakto ku Sentral di Polis na e number 917 durante 24 ora, departamentu di Atrako na number di telefón 8666123 (ora di ofisina, 08.or di mainta – 04.or di atardi), òf e number anónimo 108, kaminda bo anónimidat ta garantisá.