Kaso di hinkamentu na Den Haag Hulanda ku video na momentu ku polis ta tira e sospechoso
Kaso di hinkamentu na Den Haag Hulanda ku video na momentu ku polis ta tira e sospechoso
Djasabra 5 di mei alrededor di 3or di atardi tabata tin un kaso di hinkamentu na Johanna Westerdijkplein, den area di Haagse Hogeschool i stashon Hollands Spoor. A konsekuensia di esaki tin tres (3) persona ku a resultá heridá. Tur tres viktima a keda transportá ku urgensia pa hospital den situashon kritiko, pero mientras tantu nan bida ta for di peliger. Algu despues di e suseso, agentenan polisial a siñalá e agresor. Despues di a tir’é den su pia, nan a arest’é. E investigashon ta den ful swin i reshèrshi Hulandes ta en buska di imagennan di e insidente. E agresor ta un hòmber (31) di Den Haag i e ta konosí serka outoridatnan komo un persona di komportashon bruá.