Fundashon SIGE ta partisipá: Kambio importante den Siklo di Informashon Aminta Sprockel “Stimulashon Trempan den Bario” na Bandabou!
Fundashon SIGE ta partisipá:
Kambio importante den Siklo di Informashon Aminta Sprockel “Stimulashon Trempan den Bario” na Bandabou!
Willemstad –Fundashon Sentro pa Inovashon i Guia Edukashonal (SIGE), den koperashon ku Plataforma Bandabou, a partisipá na luna di aprel ku lo inisiá Siklo di Informashon Aminta Sprockel “Stimulashon Trempan den Bario” den mei i yüni speshalmente pa e area di Bandabou. Lamentablemente, pa motibunan fuera di alkanse, SIGE ta partisipá ku lo tin solamente un tanda di informashon na lugá di dos tanda. Originalmente lo a tene un tanda na luna di mei, na Soto i un tanda na luna di yüni, na Tera Kòrá. Awor SIGE lo tene un tanda só na luna di yüni, na Sentro di Bario Soto. Interesadonan por registrá te ku 31 di mei 2018 pa por partisipá na Siklo di Informashon Aminta Sprockel “Stimulashon Trempan den Bario”.
E enfoke di e siklo di informashon ta speshalmente riba desaroyo i edukashon di mucha di 0 pa 4 aña i ta dirigí speshalmente riba mayor i edukadónan ku ta forma parti di nos komunidat. Algun ehèmpel di e tópikonan ku lo trata durante e siklo ta Importansia di Stimulashon Trempan, Importansia di Idioma i Abla, Fasenan di Desaroyo di mucha di 0 pa 4 aña, i Desaroyo di Wega i Material Edukativo. Na final di e siklo tur partisipante lo risibí un sertifikado di rekonosimentu serka SIGE.
Fechanan di e siklo: 2, 9, 16 i 30 di yüni 2018
Lugá: Sentro di Bario Soto, Soto z/n
Orario: 14:00 or pa 16:30 or
Por registrá pa e siklo aki te ku: djaweps 31 di mei 2018
Kontribushon: Fl. 5,-
Pa registrá i paga kontribushon por pasa libremente na SIGE, na Groot Davelaar 22-23, di djaluna pa djabièrnè, entre 8:00 or pa 12:00 or i 14:00 or pa 17:00 or. Por tuma kontakto ku SIGE na numbernan di telefòn 747-2700 i 738-6570.
Personanan ku ta biba na Bandabou por registrá tambe na Plataforma Bandabou na Kaya Beatrix Bea Muzo 51 Dokterstuin di djaluna pa djabièrnè entre 8:00 or i 16:00 or. Por tuma kontakto ku Plataforma Bandabou na 888-0416.
