Curoil lo sigui hasi su máksimo esfuerso pa perkura kontinuidat di distribushon di produkto petrolero
Curoil lo sigui hasi su máksimo esfuerso pa perkura
kontinuidat di distribushon di produkto petrolero
En konekshon ku e situashon ku a surgi resientemente, kaminda un empresa merikano a pone beslag riba propiedatnan di PDVSA, Curoil ta enfatisá ku esaki no tin konsekuensia direkto pa ku kontinuidat di e operashon di Curoil Group.
Curoil ta disponé di un kapasidat di almasenahe di alrededor di 1.4 mion bari, kual ta krea posibilidat pa garantisá suministro di produkto petrolero pa nos merkadonan lokal.
Curoil ta siguiendo di aserka e desaroyonan rondó di e situashon aki i lo sigui hasi su máksimo esfuerso pa garantisá suministro pa nos merkadonan lokal di Kòrsou i Boneiru.