Fèlt di futbòl na Sentro Deportivo Kòrsou (SDK) ta keda kompletamente renobá
Fèlt di futbòl na Sentro Deportivo Kòrsou (SDK) ta
keda kompletamente renobá
WILLEMSTAD – Resientemente e fèlt di futbòl na Sentro Deportivo Kòrsou (SDK) a keda kompletamente renobá despues ku esaki a keda destruí durante un konsierto ku a tuma lugá na SDK na aña 2016.
Gobièrnu di Kòrsou den estrecho koperashon ku Reda Sosial, FDDK i SDK ofisialmente ta anunsiá ku e bunita fèlt di futbòl a keda kla despues di trabounan intensivo.
A kita e yerba artifisial i tur e materialnan bou di esaki. Siguientemente a pone fondo nobo i instalá e yerba artifisial.
E resultado ta bisto awor pa henter pueblo di Kòrsou, espesialmente nos futbolistanan i atletanan ku ta hasi uso di e fèlt.
Pa medio di esaki Gobièrnu di Kòrsou ke hasi un apelashon na pueblo di Kòrsou pa huntu mantené e fèlt limpi i nèchi pa asina tur hende por sigui disfrutá di dje sanamente.