Movementu Futuro Kòrsou a hasi 10 Mama felis regalando nan un karchi pa e konsierto di dia di Mama na Avila Beach Hotèl

Movementu Futuro Kòrsou a hasi 10 Mama felis

regalando nan un karchi pa e konsierto di dia di Mama

na Avila Beach Hotèl

 

Movementu Futuro Kòrsou (MFK), ta balorá selebrashon di dia di Mama i ta deber di kada yu pa di un forma òf otro laga nan Mama sinti ku e ta wòrdu balorá.

Nos sa ku situashon finansiero na Kòrsou no ta esun di mas mihó, pero tin hopi forma ku nos por demostrá apresio na nos Mama sin ku e ta kosta nos sèn, importante ta pa Mama sa kuantu nos ta apresiá ku for di nos nasementu nos Mama ta kuida i guia nos.

MFK kier felisitá tur Mama di Kòrsou riba e dia spesial aki i nos ta spera ku kada un di bosnan lo disfrutá di un forma úniko, ku djadumingu awor mundu kompleto ta pone Mama riba un pedestal manera Mama meresé.

MFK di un forma humilde kier a demonstrá dies Mama nos apresio. I nos a regalá pa medio di Radio Mas 99, dies karchi pa Mama por ta presente na e show di Mama organisá na Avila Beach Hotèl, ku presentashon di diferente di nos artistanan yu di Kòrsou i bou di guia di un di nos músikonan di mas grandi na Kòrsou ku ta Randal Corsen.

Ohalá un dia nos por organisá un show pa tur Mama di Kòrsou pa asina nos por duna bosnan e lugá ku bosnan meresé riba e dia spesial aki.

Na tur Mama di Kòrsou un Pabien riba bosnan dia i ku Dios bendishoná bosnan kada unu rikamente.

 

Na nòmber di MFK

Frenciss “Renny” Lourens,

Sekretario General

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: