Pronóstiko di tempu pa Kòrsou i bisindario bálido te djamars mainta 06:00 o.l, 15 di mei 2018.

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l, 15 di mei 2018.
Kompilá: djaluna 14 di mei 2018, 05:00 o.l. (09:00 UTC)

Tempu: Shelu lo ta por lo general parsialmente nubla ku chèns pa algu di áwaseru durante oranan di mainta.

Temperatura máksimo lo alkansá 32 ºC i temperatura mínimo 26 ºC.
Solo ta sali 06:12 i ta baha 18:52 o.l.

Bientu: For di un direkshon ost i moderá te basta fuerte; forsa 4 te 5 (20 te 39 km/ora, 11 te 21 nudo). Debesenkuando fuerte te posiblemente duru den ráfaga; forsa 6 te 7 (40 te 61 km/ora, 22 te 33 nudo).

Situashon general: Un área di preshon haltu situá riba osean atlántiko lo sigui sostené un bientu moderá te bastante fuerte den e region di laman Karibe. Un airu relativamente seku lo stroba formashon di nubianan signifikante den nos region. Sinembargo durante oranan di mainta tempran ta antisipá un oumentu temporal di nubia ku chèns pa algu di áwaseru riba sierto parti nos isla. Despues di mèrdia un wer generalmente seku lo prevalesé.

Kondishon di laman: Moderá ku altura di ola entre 1 i 2 meter (3 pa 7 pia).  E olanan di mas haltu lo ta riba laman grandi

Fenómeno spesial: Ningun.

Pèrspektiva te djarason mainta: Un shelu por lo general parsialmente nublá ku chèns pa algu di áwaseru durante oranan di mardugá i mainta tempran.

Meteorólogo: Luciano.

E próksimo boletin di tempu lo wòrdu publiká djaluna 11:00 o.l. (15:00 UTC).