Kunukeronan por hasi uzo di servisio di bati i mula maishi na AVB
Kunukeronan por hasi uzo di servisio di bati i mula maishi na AVB
Geplaatst op 25 Mart 2019 dor di Ministerio di Salubridat Públiko, Medio Ambiente i Naturalesa
Manera kustumber,
Kunukeronan por hasi uzo di servisio di bati i mula maishi na AVB
Willemstad – Servisio di AVB (ántes LVV) ta partisipá na tur kunukero ku a kosechá maishi chikí, ku tin posibilidat pa bati i mula maishi manera tur aña esei ta e kaso. Esaki ta tuma lugá na e sitio kustumbrá na AVB na Klein Kwartier 33. A revisá ámbos mashin di bati maishi i esun di mula maishi i kolaboradónan a pasa èksamen di higiena na GGD.
Señor Rudsel Isenia i su tim entretantu ya a mula maishi pa diferente kliente. Pa informashon òf traha sita por yama señor Rudsel Isenia riba number di telefòn 515 7961. Tene kuenta si ku orario nobo di lokèt di AVB:
Djaluna: 8 ‘or – 11:45 di mainta i 1:30 – 3:45di atardi.
Djamars i djarason: 8 ‘or – 11:45 di mainta.
Djaweps: 8 ‘or – 11:45 di mainta i 1:30 – 3:45 di atardi.
Djabièrnè: 8 ‘or – 11:45 di mainta i 1:30 – 3:30 di atardi.
Preis pa servisio di bati maishi ta Fl 0,60 pa kilo i pa mula maishi Fl 0,30 pa kilo.
Por paga únikamente pa medio swipe na lokèt di AVB.
1 Riba potrèt por mira señores Hooi i Dorotea mulando maishi.
2 Riba potrèt por mira momentu ku señor Isenia ta bati maishi pa un kliente.
###