Parlamentario mc William ke sa ki dia ta kuminsá atendé ku e lei di openbare orde pa prevení dùmpmentu di sushi di un forma ilegal.

Parlamentario mc William ke sa ki dia ta kuminsá atendé ku e lei di openbare orde pa prevení dùmpmentu di sushi di un forma ilegal.

 

Resientemente sra mc William a tuma nota personalmente di dúmpmentu di sushi (lèntfil di mas di 7 meter) hopi bon organisá́ ku ta tuma lugá́ den aria Dam Pretu ya pa basta tempu kaba, unda abitantenan di Groot Sint Joris Wèst i otro barionan di Banda Riba ta keda agredí́ i menasá na momentu ku nan ta bai hala atenshon di e kriminalnan durante nan aktonan ilegal. E situashon aki tambe ta sumamente peligroso pa turistanan ku diariamente ta bishita e aria bunita aki pariba di Kòrsou. Sin lubidá́ e daño ku ta keda kousa na nos medio ambiente e aria aki di Banda Riba tin un potensial fuerte pa loke ta trata agrikultura i turismo. No ta pòrnada ku a kuminsá́ promové́ e aria aki komo “Highlights of the East” komo un produkto turístiko mas pa Kòrsou, esaki ta un di motibunan ku nos mester kuida e aria aki su medio ambiente i salbaguardiá́ e seguridat di e turista i e abitantenan. Segun mi informashon e situashon aki ya ta pa basta tempu konosí́ pa outoridatnan pero lamentablemente outoridatnan NO ta aktua kontra di e anti sosialnan aki pa ku nan aktonan. Nos tin un LANDSVERORDENING van de 22ste juli 2015 houdende vaststelling van regels ter bevordering van de openbare orde, rust en veiligheid, en ter bescherming van de gemeenschap (Landsverordening openbare orde) P.B. 2015 n.o 31 den kual ta deskribí presisamente ku e aktonan aki ta ilegal. Abitantenan tin diferente informashon, datonan i hasta grabashonnan ku por fasilitá́ e trabou di outoridatnan. Na Dam Pretu nos a tuma nota banda di dùmpmentu di shushi ilegal aki tambe tin kimamentu di tur tipo di sushi, kapmentu òf ku loader destruí palunan , hòrtamentu di tereno i diabas/ greis for di tereno di gobièrnu, tur esaki nan ta aktonan kontra di lei. Hopi desepshonante ta pa abitantenan i komersiantenan di e aria aki ku diariamente ta tuma nota di e tipo di aktonan aki i ta konstatá́ ku outoridatnan no atendé́ ku e problemátiko aki ku a sali kompletamente for di man kaba.

Den kuadro di esaki sra Mc William a hasi diferente pregunta na Minister di Hustisia:

1. Tin un departamento spesífiko den Kuerpo Polisial ku ta ta atendé ku personanan ku ta dùmp sushi di un forma ilegal?
2. Kiko ta motibu ku no ta hasi uso di LV Openbare Orde pa atendé́ ku esunnan ku hasi nan mes kulpabel di delitonan aki?
3. Minister ta altura di e situashon aki na Dam Pretu i otro partinan di Kòrsou?
4. Minister ta altura ku na diferente okashon a hasi denunsia na polis dor di abitantenan di e aria aki?
5. Ta bèrdat ku for 2015 – 2016 den e proyekto “Tereno pa tur” di VVRP, ku handhavingsteam tin potrèt̀t i video di esunnan ku ta hasi nan mes kulpabel na e akto kriminal aki i kiko ta e motibu ku tòg no ta atendé́ ku e personanan aki?