Karta di parlamentario Curtley Obispo dirigi na Minister di Hustisia, señor Mr. Quincy C.O. Girigorie ku tópiko: status di kuentanan anual pendiente te ku aña 2017 di fundashonnan di Pais Kòrsou ku ta kai bou di portafolio di Minister di Hustisia

Posted by

Minister di Hustisia  

Señor Mr. Quincy C.O. Girigorie

Wilhelminaplein z/n

Presente

Djaweps, 11 aprel 2019

Tópiko: status di kuentanan anual pendiente te ku aña 2017 di fundashonnan di Pais Kòrsou ku ta kai bou di portafolio di Minister di Hustisia.

Apresiabel señor Minister Qirigorie,

Duna kuenta i rason na tempu ta konta tambe pa fundashonnan ku ta entidatnan di Pais Kòrsou. Fundashonnan ku ta entidatnan di Pais Kòrsou, ku segun nan statutonan i e lei di Corporate Governance, mester kumpli i entrega tur aña na tempu nan kuenta anual audita (“gecontroleerde jaarrekening”) i tambe raporta riba funshonamentu di Corporate Governance.

Aña pasa riba 14 sèptèmber 2018, nos Frakshon di PAR den Parlamento di Kòrsou den un komunikado di prensa a indiká ku entre otro i mi ta sita: “Gobièrnu di Kòrsou mester sigui motivá su kompanianan anónimo i fundashonnan pa nan entrega nan kuenta anual te ku 2017 na tempu den aña 2018. No ta aseptabel ku ainda tin sierto kompanianan anónimo i fundashonnan di Gobièrnu ku no a entrega nan kuenta anual te ku aña 2017. Kompanianan i fundashonnan di Gobièrnu di Kòrsou mester ta responsabel i mester duna kuenta i rason den ménos ku seis (6) luna despues di e aña 2017 na Gobièrnu. Den aña 2019 nos ta spera ku kompanianan òf fundashonnan di gobièrnu lo sòru di kumpli i entrega nan kuenta anual 2018 promé ku 1 yüli 2019”.

Den e Rapòrt di Maneho Finansiero di Pais Kòrsou di Yanüari 2019 (FMR Yanüari 2019), anekso (“bijlage”) 4, mi a tuma nota ku te ainda tin diferente fundashonnan ku ta entidatnan di Pais Kòrsou i ku ta kai bou di portafolio di Minister di Hustisia, ku te ainda tin kuentanan anual pendiente pa entrega te ku aña 2017 na Gobièrnu di Kòrsou.

A base di Rapòrt di Maneho Finansiero di Pais Kòrsou di Yanüari 2019 (FMR Yanüari 2019), anekso (“bijlage”) 4 i e lei di Corporate Governance, mi ta aserka Minister di Hustisia ku e siguiente preguntanan, hasiendo uso di mi derecho komo parlamentario pa hasi pregunta konforme artíkulo 96 di Reglamentu di Orden di Parlamento di Kòrsou:

Stichting Ambulante Justitiële Jeugdzorg Curaçao

  1. Kiko ta e motibunan konkreto ku Stichting Ambulante Justitiële Jeugdzorg Curaçao segun e FMR Yanüari 2019 Anekso 4, no a entrega su kuenta anual audita di añanan 2013 te ku 2017 na Gobièrnu di Kòrsou?
  2. Ki dia Parlamento di Kòrsou lo risibí di Gobièrnu di Kòrsou e kuentanan anual audita di añanan 2013 te ku 2017 audita di Stichting Ambulante Justitiële Jeugdzorg Curaçao?.

Stichting Beveiligingszorg Justitie

  1. Kiko ta e motibunan ku Stichting Beveiligingszorg Justitie segun e FMR Yanüari 2019 Anekso 4, no a entrega su kuenta anual audita di aña 2017 na Gobièrnu di Kòrsou?
  2. Ki dia Parlamento di Kòrsou lo risibí di Gobièrnu di Kòrsou e kuentanan anual audita di aña 2017 di Stichting Beveiligingszorg Justitie?.

Stichting GVI Curaçao

  1. Kiko ta e motibunan konkreto ku Stichting GVI Curaçao segun e FMR Yanüari 2019 Anekso 4, no a entrega su kuenta anual audita di añanan 2011 te ku 2017 na Gobièrnu di Kòrsou?
  2. Ki dia Parlamento di Kòrsou lo risibí di Gobièrnu di Kòrsou e kuentanan anual audita di añanan 2011 te ku 2017 audita di Stichting GVI Curaçao?.

Stichting Reclassering Curaçao

  1. Kiko ta e motibunan konkreto ku Stichting Reclassering Curaçao segun e FMR Yanüari 2019 Anekso 4, no a entrega su kuenta anual audita di añanan 2011 te ku 2017 na Gobièrnu di Kòrsou?
  2. Ki dia Parlamento di Kòrsou lo risibí di Gobièrnu di Kòrsou e kuentanan anual audita di añanan 2011 te ku 2017 audita di Stichting Reclassering Curaçao?.

Atentamente,

Curtley Obispo

Parlamentario pa Kòrsou

PAR

Potret 2019 parlamentario Curtley Obispo vershon 2

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.