Banco di Caribe ta felisitá ahedresistanan lokal ku nan partisipashon durante Carifta Junior Chess Championships

Banco di Caribe ta felisitá ahedresistanan lokal ku nan partisipashon durante Carifta Junior Chess Championships

WILLEMSTAD:  Den fin di siman tras di lomba a tuma lugá e Carifta Junior Chess Championships. Banco di Caribe ta sumamente orguyoso di por a forma parti di e gran evento aki. Sr. Dito de Kort, managing director  di Banco di Caribe a duna sosten na e kompetensia i tabata presente na seremonia di apertura. “Nos ta masha orguyoso di por a forma parti di Carifta Junior Chess Championships, ta un plaser pa mira un spiritu kompetitivo, na un edat asina hóben serka e partisipantenan. Nos ta felisitá tur 55 ahedresista lokal ku a representá Kòrsou, partikularmente Frederic Simonis (U12), Ailen Oriana Mena (U20) i Mariana Sanchez (U20) ku a keda premiá den nan respektivo kategoria. Masha pabien!”

E di 8 edishon di Carifta Junior Chess Championship ku a tuma lugá wikènt pasá na Hilton Hotel Curaçao por a konta ku partisipashon di ahedresista di Antigua & Barbuda, Aruba, Bahamas, Barbados, Bermuda, Guyana, Jamaica, Sürnam, Trinidad & Tobago, US Virgin Islands i Kòrsou. Un total di kasi 185 hóben te 20 aña a kompetí den diferente kategoria di edat. Ta trata di 130 ahedresista di e 10 islanan bishitante i 55 hungadó di Kòrsou. E paisnan ganadó a resultá Jamaica, Trinidad & Tobago i Sürnam. Kòrsou su ahedresistanan a resaltá den kategoria U12 na unda ku Frederic Simonis a resultá na di dos lugá, den kategoria U20 Damas, Ailen Oriana Mena a konkistá e promé lugá i finalmente den e mesun kategoria, Mariana Sanchez ta ubiká na terser lugá. Sigur un bon prestashon pa Kòrsou.

Riba fotonan athunto por haña un impreshon di algun momento kulminante. Banco di Caribe ta masha orguyoso di por a kompañá Curaçao Chess Federation riba e trayekto pa Carifta Junior Chess Championships i ta felisitá nan ku e kampionato. Riba e página di Facebook di Banco di Caribe por tuma nota di mas foto.

Carifta Games - Hilton-5 (1)

Carifta Games - Hilton-5 (2)

Carifta Games - Hilton-5 (3)

Carifta Games - Hilton-5 (4)

Carifta Games - Hilton-5 (5)

Carifta Games - Hilton-5 (6)

Carifta Games - Hilton-5 (7)

Carifta Games - Hilton-5 (8)

This site uses Akismet to reduce spam. Learn how your comment data is processed.

error: Content is protected !!
%d bloggers like this: