KOMUNIKADO DI KUERPO POLISIAL Kaso di ladronisia ku detenshon (polis ta tira homber den pia)

KOMUNIKADO DI KUERPO POLISIAL

159 / 2019

26 aprel 2019

Kaso di ladronisia ku detenshon.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djabièrnè 26 di aprel 2019 alrededor di 04.36 or di mainta, Sentral di Polis a dirigí un unidat
riba un tereno ku ta den konstrukshon den área di Fortuna Ariba pa un kaso di ladronisia.
Na yegada di e unidat na e sitio a konstatá ku dos hòmber sospechoso tabata hòrtando
bentana for di e kasnan ku ta den konstrukshon. Na momentu ku e sospechosonan a mira polis, nan a purba di huí bai for di e sitio. Polis a los tiru dirigí riba e sospechosonan i bala a alkansá un di e sospechosonan na su pia drechi i durante di un buskedá den e mesun área a bin topa ku e otro sospechoso. Na e sitio tambe a haña i konfiská un tas ku atributonan ku a keda usá pa e ladronisia.
Relashoná ku esaki polis a detené na e sitio e hòmber, J.A.M.T.R., di 26 aña di edat i R.D.L
di 25 aña di edat tur dos nasé na Kòrsou.
A presentá e sospechosonan dilanti di un Fiskal Ouksiliar, ku a ordenánan enkarselamentu pendiente di mas investigashon.