Durante un kaso  di bringamentu na Rotterdam un hoben deportista Kurasoleño J.H. (23) ta keda maltratá i ta risibí 7 hinká.

Durante un kaso  di bringamentu na Rotterdam un hoben deportista Kurasoleño J.H. (23) ta keda maltratá i ta risibí 7 hinká.

Den marduga di djabièrnè pa djasabra polis a detené dos hòmber despues di un kaso di hinkamentu ku a tuma lugá riba Stadhuisplein na Rotterdam. Durante di e insidente aki, un hòmber di 23 aña di Kòrsou a resultá grave heridá.

E sospechosonan ta un hòmber di 22 aña di Den Haag i un hoben di 18 aña di Rotterdam.

Imagennan di kamara di vigilansia a mustra kon un bringamentu a kuminsá. Dos agente polisial a trata di entervení pero nan a resultá mei mei di e bringamentu. Un di nan a risibí varios sla na altura di su kabes i kara, pa kual a pidi asistensia mediko. Ku yudansa di bewakernan i agentenan polisial ku a akudí a logra detené e dos sospechosonan. E agente polisial ku a risibí gòlpi a keda leve heridá.

Pa loke ta trata e viktima di e kaso di hinkamentu, e viktima a keda enkontrá na altura di un parada di taxi na Coolsingel. Aparentemente el a keda hinká varios biaha durante di e bringamentu i el a logra kana bai Coolsingel kaminda el a sak den otro i pèrdè konosementu.

Polis tin e kaso aki den investigashon pa sa kiko a kondusí na e insidente aki. No ta konosí kiko eksaktamente a tuma lugá riba Rotterdamse plein.