NOS SELEKSHON NASHONAL U-17 TA KEDA ELIMINÁ FOR DI E TORNEO DI CONCACAF KATEGORIA U-17!

NOS SELEKSHON NASHONAL U-17 TA KEDA ELIMINÁ FOR DI E TORNEO DI CONCACAF KATEGORIA U-17!

Lamentabelmente nos selekshon nashonal kategoria U-17 a keda eliminá di e torneo di kualifikashon pa mundial di kategoria U-17, organisá pa CONCACAF.

30 di aprel último nos selekshon nashonal kategoria U-17 a biaha pa Tampa pa representá nos durante e torneo ariba menshoná. Despues di a klasifiká pa e oktavo final, awe ‘tardi nos a kai vensí kontra e ekipo di Canada ku skor di 4-0 i a keda eliminá.

Esaki despues ku den e promé mitar nos a hinka un outogol i a bai sosiegu ku e skor di 1-0 pa Canada. Na di 55 minüt e partido a keda wantá pa motibu di mal tempu i despues di un ratu e partido a kontinuá.

Durante e sobrá 35 minüt, lamentabelmente, nos no a logra anotá gol i a pèrmití 3 gol kontra ku a kondusí na un pèrdida di 4-0 kontra Canada.

Nos selekshon nashonal kategoria U-17 a konsistí di un grupo di 20 hungadó ku a wòrdu dirigí pa Sr. Raul Gonzalez Triana ku ta e entrenadó di e selekshon aki i Sr. Cristopher Jacobus ku ta e asistente di e entrenadó miéntras Pablo Aloma Mark ta e entrenadó di portero.

Tambe a biaha huntu ku e selekshon Sr. Sherwin Inesia ku ta e masahista di e selekshon i e dòkter di nos selekshon ta Sr. Ramfis Fillet.

Sr. Roderick Rojer ta esun enkargá ku e materialnan i e hefe di delegashon ta  

Sr. Hubert Isenia, miembro di direktiva di FFK.

E siguiente hungadónan a representá nos durante e torneo aki:

  1. Roshyon Anita (Centro Barber)
  2. Reinier Bonifacio (Excellence School)
  3. Othmar Inecia (Vesta)
  4. Jahir Jakoba (Subt)
  5. Rensver Juliana (Excellence School)
  6. Sidney Kastaneer (Vesta)
  7. Jhaïr Langguth Koeiman (Scherpenheuevel)
  8. Ruhairson Sambo (Subt)
  9. Elijah Nava (Inter Willemstad)
  10. Alrick Panthophlet (New Song)
  11. Dairison Pieternella (Excellence School)
  12. Kenrick Jansen (Excellence School)
  13. Rychaintelo Knol (Feyenoord)
  14. Tyrick Bodak (De Graafschap)
  15. Gedion Meridina (FC Volendam)

 

  1. Juruel Bernadina (FC Utrecht)
  2. Rivano Stacie (AZ)
  3. Nathan Holder (FC Utrecht)
  4. Ludnardo Schoop (FC Volendam)
  5. Arenchelo Leito (PEC Zwolle)

Nos selekshon ta regresá djasabra 11 di mei, 9:15 PM ku buelo di American Airlines.

FFK ta gradisí nos selekshon nashonal U-17 pa e trabou ku nan a hasi aya na Tampa durante e torneo aki i ta enkurashá e hóbennan aki pa nan sigui ku e bon trabou p’asina otro bia nos bai pa e título máksimo.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: