Reakshon di lider politiko di partido Movementu Progresivo, dr. Marilyn Moses na momentu ku a trata e topiko di screening di sra. Neysa Schoop-Isenia i e lei di sekresia di Banko Sentral, durante reunion publiko di Staten.

Reakshon di lider politiko di partido Movementu Progresivo, dr. Marilyn Moses na momentu ku a trata e topiko di screening di sra. Neysa Schoop-Isenia i e lei di sekresia di Banko Sentral, durante reunion publiko di Staten.

Aktualmente Banko Sentral ta den skuridat i no simplemente den lus negativo. Na momentu ku ta referí na Banko Sentral, ta referí na algu sumamente importante, komo ku Banko Sentral ta fundeshi di nos pais. Kòrsou ta boga pa ta entre paisnan fuerte, pues nos institutonan tambe mester ta fuerte. Pa nos institutonan ta fuerte, nan mester ta integro. Integridat no ta un aspekto ku mester solamente papia di dje, integridat ta un aspekto ku un persona mester biba. Integridat mester ta asina fuerte, ku asta ora no tin otro hende ta mira kiko bo ta hasi, bo ta hasi loke ta korekto. Pa nos pais ta fuerte ta importante pa nos institutonan di mas prinsipal, manera Banko Sentral, Servisio di Inteligensia, Parlamento, etc. tambe ta fuerte. E tipo di institutonan aki mester ta fuerte di manera ku nos por kuminsá kana riba un fundeshi pa en realidat bira un pais fuerte. Den kaso ku tin kualke problema den un di e institutonan prinsipal di un pais, manera den e kaso aki di Banko Sentral, i tempu no ta na nos fabor, desishonnan mester keda tumá I mester aktuá mesora. Trahadó di e instituto tin ku tene honor na su mes, ku òf sin rason, pasobra tin ku spar e instituto pa kara di Pais. Integridat di e instituto mester keda para. Den e kaso spesifiko aki, si hasi un investigashon rapido, lo tin empleadonan di Banko Sentral ku lo tin ku tene honor na nan mes. Pa e riesgo ku e empleadonan di Banko Sentral ta kore, nan tin salarionan masha haltu. Tin un memo ku a sali for di Banko Sentral ku a yega serka minister. E prosedura den kual e memo a yega serka minister tabata robes. Komo tal, den e kaso aki no tin pordon i tin empleado den Banko Sentral ku a faya i ku, kisas ku minister tambe, lo tin ku bai kas. E motibu primordial pa kual un persona ta forma parti di un instituto prinsipal, ta pa sirbi su pais. No mester lubidá ku internashonalmente, Banko Sentral tabata den lus negativo kaba. Un problema grandi ku nos tin riba e pais aki ta integridat i si nos no yega na e punto ku kada parlamentario ta wak su mes den spil, nos lo tin ku enfrentá problemanan hopi grandi. Nos problema no ta falta di sèn, nos problema ta falta di integridat. A bira tempu pa nos realisá esey i tuma akshon.

Marylin-Moses-Extra

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: