Preparashon a kuminsá pa Marcha Kultural Banda Riba 2019

Preparashon a kuminsá pa Marcha Kultural Banda Riba 2019

Ya ta un tradishon pa 4 aña kaba ku Banda Riba ta bai selebrá Marcha Kultural Banda Riba, kaminda ku e kultura di Karnaval i Seú ta topa, 26 i 27 òktober próksimo.

Shurendi Pieternella ku su team a bini ta traha fuerte riba e desaroyo aki kaminda ku durante di 4  aña nos ta sigui tene nos Kultura nan na haltu. I ta p’esei e inovashon ku ta djòin e dos nan aki huntu den un solo selebrashon na Banda Riba. Un oportunidat pa e gruponan por usa nan trahe un biaha mas.

Inskripshon pa Bos di Kunuku 2019, Rei i Reina Kultural Banda Riba Hubenil i Adulto 2019 a habri pa esnan ku kier partisipá i duna nan aporte na engrandese nos kultura i nan propio konosementu. Edat pa por partisipá na Bos di Kunuku 2019 ta di 8 pa 15 aña, Rei i Reina Kultural Hubenil 2019 ta 7 pa 12 aña i Rei i Reina Kultural Banda Riba Adultota for di 16 aña.

Pa inskribí por tuma kontakto pa Bos di Kunuku serka Ella Bernabela na telefon +599 9 510 8319 i pa Rei i Reina Kultural serka Vanka Asporaat – Brito na telefon +599 9 523 0888.

Ban apoyá i sostené nos hóbennan pa amor na nos Kultura.