Rekompensa pa informashon tokante kaso di asesinato.

KOMUNIKADO DI PRENSA 179 / 2019
14 mei 2019
Rekompensa pa informashon tokante kaso di asesinato.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Polis ke rekordá boso ku relashoná ku e kaso di asesinato ku a tuma lugá djaluna dia promé
di yanüari 2018, alrededor di 00.40’or, riba e lugá di stashoná outo di ántes “Veneto Casino
Beach Resort”, situá riba Pater Eeuwensweg, ta pidiendo yudansa di komunidat.
Riba e dia en kestion e hòmber Tayler Zuhayr de Lima, nasé na Kòrsou dia promé di
yanüari 1998 a bin pèrdè su bida, debí na tirunan ku el a risibí for di arma di kandela.
(Komunikado di prensa 003/2018).
Polis ta hasiendo lo maksimo pa por yega na solushon di e kaso. E rekompensa di dies mil
florin antiano ku Ministerio Públiko a pone disponibel pa esun ku por duna e tep ku por
hiba na klaridat i solushon di e kaso di asesinato aki ta ketu bai na vigor. Abo ku por a tende,
mira òf sa di kualke informashon, pasa esaki pa polis.
Pa duna tep riba e kaso aki, por yama e number anónimo di polis 108.
Kuerpo Polisial i Ministerio Públiko ta konta riba yudansa di komunidat pa por solushoná e
kaso aki tambe.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: