Frakshon MAN ta kontentu ku MCB a drei bek e desishon pa pone rekargo riba  kosto atministrativo.

Frakshon MAN ta kontentu ku MCB a drei bek e desishon pa pone rekargo riba  kosto atministrativo.

Frakshon di MAN a tuma nota ku Maduro & Curiel’s Bank entrante 1 di mei 2019 a hasi kambio den su tarifa atministrativo na momentu di hasi transakshon òf kambio di sèn. Esaki sigur a trese hopi konsternashon den nos komunidat prinsipalmente serka empresarionan tantu grandi i komo chikí mirando e situashon finansiero i ekonómiko ku nos pais ta pasando aden prinsipalmente pa loke ta trata e montante ku e tarifa a subi kuné. Esaki a trese inkumbiniensia tambe pa penshonadonan i esnan ku mester kambia check i aparentemente pa esnan ku tin ku hasi uzo di pagafasil tambe. Manera semper Frakshon di MAN ta solidario ku su pueblo den tur situashon ku presentá. Frakshon di MAN ta kontentu ku Maduro & Curiel’s Bank  a drei desishon bek konsiderando e inkonbeniensianan ku e desishon aki a trese kuné pa nos komunidat ku ta pasando den tempunan difísil. Frakshon di MAN semper lo apresiá kualke persona i empresa ku ta solidario ku su pueblo.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: