MCB ta splika
MCB ta splika
Entrante 1 di mei ultimo MCB a introdusí un komishon riba transakshonnan bankario ku keda hasí den banko. E banko a notifiká esaki den algun korant pa klientenan tuma nota di esaki. Apesar di esaki, klientenan no tabata bon informá di e kambionan pa transakshonnan bankario ku tuma lugá na bali. Esaki a kousa konsternashon. MCB tin atenshon pa kompanianan ku ta hasi mal uso di introdukshon di e komishon i ku ta kobra e kliente mas tantu. Den e kaso aki lo tuma e aparatonan di swipe den beslag. Pa uso di Pagomatiko MCB no ta kobra gastu adishonal. Pa e sistema di pago aki no tin kambio di tarifa. E komishon ta keda kobrái pa transakshonnan kèsh na banko. MCB Online Banking, MCB Mobile Banking, Pagomatiko i Bankomatiko ta keda e formanan mas kumbiniente, atraktivo, fasil i lihé pa hasi transakshonnan bankario. Nan ta alternativa menos peligroso i sin gastu adishonal.
MCB a invertí konsiente den digitalisá su servisionan pa seguridat di su klientenan i pa evitá ku e kliente tin ku para hopi den banko pa hasi transakshon.