Tur cos ta cla pa Aruba Summer Music Festival 2019 Celebrando nos prome lustro y cu un line up espectacular

Tur cos ta cla pa Aruba Summer Music Festival 2019

Celebrando nos prome lustro y cu un line up espectacular

ORANJESTAD: Un biaha mas Aruba ta na punto di experencia un otro concierto involvidabel pa locual ta trata Aruba Summer Music Festival (ASMF) cu lo tuma lugar 28 y 29 di Juni, 2019. Un festival cu a cuminsa 5 aña pasa y awe ta un di e festival nan mas grandi y cu ta atrae bishitante di tur pais pa conoce nos isla, pero alaves pa nan disfruta di algun dia masha ameno na Aruba.

Mester menciona cu e festival aki lo no ta mes exitoso, si no tabata pa algun partners cu a kere den e vision desde inicio, entre otro; Minister Otmar Oduber, Aruba Tourism Authority (ATA) & Board bou maneho di nan directora Ronella Tjin Asjoe – Croes, Loco Lobo Productions, SD Concerts y awe nos Minister di Turismo sr. Dangui Oduber cu sigur ta kere den e vision y a opta pa sigui apoya e festival di Aruba Summer Music Festival (ASMF).

Aruba Summer Music Festival ta conta cu presencia di un average di entre 3000 cu 5000 mil turista cu ta bishita nos isla, pa experencia e concierto. Turistanan cu ta bin di Caribe y Latino America. Sigur esaki ta rekeri hopi promocion Internacional, y tur esaki ta danki na un di nos partner principal cu ta ATA cu nan laso y contactonan den exterior. ASMF ta conta cu alrededor di 7 pa 9 mil persona cu ta atende e concierto riba un anochi.

Durante e añanan cu a pasa, un di e puntonan impactante tabata e line up cu e festival tabata presenta pa locual ta trata e artistnan cu lo presenta. Den pasado Aruba tabata tin e honor pa presencia artistanan grandi di caliber manera, Pitbul, Enrique Iglesias, Ozuna, Carlos Vives, Juan Luis Guerra, Gilberto Santa Rosa y varios mas.

Sin ningun duda, e aña aki un biaha mas Aruba por conta cu un tremendo line up, teniendo na cuenta cu ASMF ta celebrando nan prome lustro! Pa locual ta trata diabierna 28 di Juni, Artistanan invita lo ta: SILVESTRE DANGOND, ALA JAZA, D’LICIOUS celebrando 8 aña  di existencia, ROBERT Y SU SOLO BANDA SHOW,.

Diasabra 29 di Juni, artistanan invita lo ta: Nos orguyo JEON, FARRUKO y MANUEL TURIZO. Artistanan internacional cu tin hopi cantica reconoci rond mundo y algun cu a gana Grammy.

Carchi pa ASMF lo ta na benta entrante diamars mei 14, na Sandra’s Garden for di 2:30pm 0 10:00pm y na oficina di Diario TV, Wilhelminastraat 67 dilanti di El Gaucho, 10:00pm – 4:00pm y online riba pagina web www.arubasmf.com. Pa tur esnan cu ta rekeri mas informacion, por manda un email na info@arubasmf.com of yama 297-5840202.

Pueblo di Aruba ta keda cordialmente invita pa cumpra nan carchi trempan, y alabes pa sali disfruta di ambos anochi cu sigur lo ta espectacular. No lubida cu abo no mester biaha pa wak artista grandi, nos ta trece nan Aruba pa abo por presencia nan riba bo mesun isla.

Aruba danki pa boso apoyo y sosten durante e 5 añanan!

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: