“Djadumingu awor” Sentro di Bario Montaña ta bai organisá  Marshe di Salu

“Djadumingu awor” Sentro di Bario Montaña ta bai organisá  Marshe di Salu

 

“di 9’or mainta pa 2’or mèrdia

 

Willemstad- Sentro di Bario Montaña den kuadro di selebrashon 45 aña di Sentro ,nos ta bai organisá un Marshe di Salu grandi. E marshe aki ta pa nos konsientisá nos bario i su habitantenan kon importante ta di kuida nos salu, i  yama danki na tur ku a lanta tene ku nos i a duna nos sosten moral pa sigui ku e trabou balioso ku nos ta desplegá den bario di montaña .

 

E tema ta “KON MANTE NOS SALU DEN NOS BARIO”

 

Dòkter di kas Yves Schoop lo elaborá riba diferente aspekto di nos salu. Lo bai tin diferente charla kada ora pasa. Presente lo tin Stichting Wit Gele Kruis, Martijn Trading, Sokudi, Fundashon Alzheimer, Popular Agencies ku su ABENA, WET WIPES PA LIMPIA KURPA i tambe Carlisle un remedi kontra reakshon alèrgiko, remedi kontra tosamentu, Fundashon Skuchami, SVB ku hopi informashon balioso. Extura, Pro kwido, Lab de Med ku lo midi suku i preshon,

EWT ku demostrashon di juice Ceres i Ensure, Prinses Wilhelmina Fonds, Benta di berdura fresku di nos hòfinan di pariba i tambe un  huki pa mucha.

 

Tur esaki pa un preis simbóliko di fl. 1.00 general. E fondo rekoudá ta bai pa nos sigui traha pa e grandinan ku ta den nos sentro di bario.

Tur esaki ta djadumingu awor 26 mei 2019 di  9’or mainta pa 2’or mèrdia na Sentro Bario Montaña na Stakamahachiweg s/n dilanti Santana di Montaña .

E idea ta pa nos hasi e dia aki un dia Históriko,pa e bario.

Sinembargo ta kosecha di tur kunuku ta yena mangasina anto sin bo aporte balioso nos lo no por logra nos meta. Nos ke trata na mantené un union entre habitantenan den barionan pariba. No pèrdè e oportunidat aki den bo bario.

Un boka bisa otro