Fightingteam ku 2 viktoria i ta na prome luga huntu ku Starosa Angels Vanddis den softbol Liga CSB/MCB 2019

Fightingteam ku 2 viktoria i ta na prome luga huntu ku Starosa Angels Vanddis den softbol Liga CSB/MCB 2019

Softbol a sigi kajente wikent ku ta tras di lomba. Loke ta mas remarkabel ta ku henter wikent stadionan di softbol ta hopi bon bishita kulminando ajera na sambunting de bote en bote.

Den klasse A :

Vipers Elite ta gana di Dream girls ku skor di 5 pa 4. Picher ganador Lisandra Ursulita i miho na bate Lishandley Ursulita, Jacqueline Sophia I Ismairy Ignacio di 2-1.

Starosa Angels Vanddis ta gana di Souax Gilssport ku skor di 17 pa 4. Picher ganador a resulta Danisha Salesia i miho na bate Maribela Janga di 3-3.

Den Doble A:

Pichingolo Kia/Nissan ta nokout Eagles ku skor di 11-1. Picher gandor pa Pichingolo a resulta Arnalda Margarita i miho na bate Julise Coffie di 2-2 ku 1 homerun. Picher perdedo pa Eagles a resulta Nashaira Bernardus i miho na bate Almarisca Paula-Hooi di 3-2.

Fighting Team ta gana di Nos tei Curacao Office Supply ku skor di 9 pa 1. Picher ganador a resulta Ruthsainy Calmera i miho na bate e mes di 3-2. Picher perdedo a resulta Zuzaine Jozef i miho na bate Thanais Martina di 1-1.

Den un tremendo partido e ekipo di Figtingteam ta derota Pichingolo Kia/Nissan ku skor di 8 pa 7. Picher ganador a resulta Lee-Ann Craanberg I miho na bate e mes di 1-1 ku triple. Picher perdedo a resulta Arnalda Margarita i miho na bate Julise Coffie di 2-2.

Den un otro tremendo partido ku a hunga tie-break Eagles Softex ta laga Souax Gil’sport den tereno ku skor di 5 pa 4. Picher ganador a resulta Yetsely Helmijr I miho na bate Susmailine Rifaela di 3-2. Picher perdedo a resulta Morina Rosa ku e drenta di relevo, miho na bate Mirlam Rosa di 3-1 ku 2 kareda empuha.