Minister di hustisia no ta respetá pueblo di Kòrsou, reunion pa e bin duna kuenta i rason na Parlamento riba droga ku a wòrdu hòrta for di warda di polis, un biaha mas ta wòrdu kanselá

Minister di hustisia no ta respetá pueblo di Kòrsou, reunion pa e bin duna kuenta i rason na Parlamento riba droga ku a wòrdu hòrta for di warda di polis, un biaha mas ta wòrdu kanselá

Djabièrnè 31 di mei último, miembronan di Parlamento ta risibí un mail di parti di Grefir di Parlamento pa informá na nòmber di Presidente di Parlamento ku kontinuashon di e reunion di dia 6 di yüli próksimo TA ku punto di agènda “Deliberashon ku Minister di Hustisia enkuanto seguridat den e kadena hudisial”, un biaha mas ta bolbe wòrdu kanselá te próksimo aviso.

E reunion aki ta e reunion kaminda a trata e robo, di droga for di e kompleho polisial na Rio Canario. Parlamento na nòmber di pueblo di Kòrsou kier a tende di boka di e Minister responsabel pa e kadena hudisial, kiko eksaktamente a tuma lugá i ken lo ser pone responsabel pa e akto aki.

E Minister a pidi Presidente di Parlamento pa skors e reunion i dun’e tempu te 22 desèmber 2018, te ora ku e komishon ku su persona a nombra terminá ku nan investigashon i asina entregá e rapòrt final pa e por bin bek Parlamento i informá Parlamento riba e konklushonnan di e rapòrt, ku mester indiká ken ta responsabel pa e akto aki ku a pone Kòrsou den un lus negativo. E notisia aki a dominá tantu prensa lokal i tambe esun internashonal. Tur hende por a tuma nota ku  hasta den rapòrtnan ofisial di instansianan merikano e kaso aki ta wòrdu menshoná i kuestioná.

E reunion aki a tuma lugá FOR DI dia 23 di òktober 2018. Presidente di Parlamento por fin a saka un konvokashon pa kontinuashon di e reunion riba 4 yüni 2019, despues e reunion aki ta wòrdu kanselá debí ku e Minister a informá ku e no por ta presente riba e dia ei. Ta bolbe saka otro konvokashon pa kontinuashon di e reunion aki riba 6 di yüni próksimo i un biaha mas ta kanselá e reunion aki pa motibu ku e Minister no por ta presente.

 

di dos lugá pa Parlamento di Kòrsou, ku konforme nos areglo di estado ta e órgano pa kontrolá gobiernu di KorSou. Minister tin e obligashon pa responsabilisá su maneho ante Parlamento di Kòrsou i Quincy Girigorie ta faltando rèspèt pa pueblo di Kòrsou i pa Parlamento di Kòrsou dor di alarga e situashon aki pa protehé kabes nan ku mester kai den hinter e asuntu aki. Pa kolmo e miembronan di parlamento di e partidonan, MAN i PIN ta sostené e bagamunderianan aki den parlamento i sinta manera rubberstamp i akseptá e tipo di mal maneho nan aki.

 

Frakshon di MFK, na komienso di e reunion di djaluna dia 6 próksimo lo trese un proposishon di órden pa Presidente di Parlamento konvoká e reunion aki bek pa dia 6 di yüni, manera e tabata programa i pa Parlamento bai di akuerdo pa eksihí di Minister Quincy Girigorie pa e ta presente na e reunion pa e bin Parlamento pa informá kua ta e desishonnan ku lo ser tuma pa esaki no sosodé nunka mas i ken ta bai wòrdu pone responsabel pa e akto aki.

 

Nos kier mira kua di e 12 Parlamentarionan ku ta sostené e gobiernu aki ta bai vota kontra di e proposishon di órden aki. Ta basta ku e tipo di weganan aki, ta algu serio a tuma lugá i mester atendé esaki ku e seriedat ku pueblo di Kòrsou ta spera di un Minister di Hustisia.

 

No tin espasio pa skapa ningun hende den e affaire aki, Minister Girigorie.

  

Kòrsou, 2 di yüni 2019

 

Na nòmber di frakshon di MFK

Gilmar Pisas

Miembro di Parlamento

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: