Na habitantenan di di Souax
Souax, 7 Juni 2019
Respetable Bario,
Ta obligashon di nos komo komishon di bario , ku tin e bario di Souax na pechu pa pone boso ku a partisipa den e akshon di firma y tambe tur sobra habitante na altura di e situashon actual pa ku desaroyo di nos bario.
Nos komo komishon a hasi lo siguiente,
Nos a traha un video ku e realidat di Souax ariba “Souax ta pidi auxilio”
Nos a traha un facebook page “Souax Curacao “
Nos a manda karta pa minister Cooper anexo ku karta di Dr. Oliva kual ta señala kuantu hende ta sufri pa motibu di e stof den nos bario.Nos a tene un akshon di firma ku bario a karga kompleto.
Na aña 2016 nos a manda karta pa Sra. minister Camelia Romer tokante e situashon den nos bario
Sra. Minister Camelia a kontesta nos karta ku e promesa y deklarashon di a pone basta sen desponibel riba prosupuesto pa ku a desaroyo di Souax.
Nos a manda karta pa Sra. Minister Zita Leito.
Sra.minister ta bishita bario y mes ora ta traha un sita pa nos sinta ku OW.Nos a sinta ku OW Nos ta risibi OW na diferente okashon den bario.
Nos a kana ku e pinturanan di OW den bario papia ku habitantenan pa kopera pa hala nan kura un tiki paden pa e kamindanan por pasa. Nos tabatin kotakto tambe ku minister Koeiman ku a bisa nos ku e bario mester wordu desaroya.
Awor nos di nos banda a hasi tur lokual ta na nos alkanse pa e bario por hana e desaroyo ku e merese.Awor nos kier pidi Dios di shelu pa ilumina nos mandatario nan y jena nan ku sabiduria pa ku e bario di Souax .
Nos ta para dilanti otro temporada di awa seru y nos deseo ta, ku e jobioda ku ta bini lo ta di gran bendishon pa e bario di Souax.
No sobra nos nada mas di pidi e habitante nan di Souax y di korsou kompletu pa hasi orashon y mira kiko Dios todopodereso ta bai hasi pa nos bario; nos ta spera ku Dios lo provehe.
Aki tin un link di e konferensha di prensa ku nos a hasi pa ku e karta aki:
https://www.facebook.com/
Atentamente ,
Komishon di Souax
Pa mas info por tuma kontakto ku nos :
Romeo Welvaart Jeanela Alberto
Tel: +5999 520 4217 Tel : +5999 521 3672
