Un agènda, un tas òf un pòtlot pa kon chikí, e ta hasi un diferensia! Ta rekoudá artíkulonan di skol pa muchanan di Cola Debrot
Un agènda, un tas òf un pòtlot pa kon chikí, e ta hasi un diferensia!
Ta rekoudá artíkulonan di skol pa muchanan di Cola Debrot
WILLEMSTAD – JUNI– Manera ya anteriormente anunsiá, e aña aki Carnaval Casino ta rekoudá material i artíkulonan di skol pa Kolegio Cola Debrot. E tema ‘Building towards the future’ ta papia netamente di e aporte ku nos mester duna kolektivamente pa yuda nos hóbennan konstruí un futuro sólido. Nos sá ku nos pais no ta pasando den su mihó tempunan, ta p’esei ta importante pa kolektivamente nos duna un man, na unda ku por i den e kapasidat ku por. Un agènda, un tas òf un pòtlot pa kon chikí, e ta hasi un diferensia!
Meskos ku añanan anterior ta apelá riba nos komunidat pa duna un man pa rekoudá artíkulonan di skol. Por hasi esaki via di un donashon di e artíkulonan di skol mes, of ku bo TITO na Canaval Casino. Muchanan lo tin mester di entre otro agènda pa skol, tas pa skol ku 2 kompartimentu, tèrmo, trònchi di pan, place mats, etuí pa pòtlot, pèn, pòtlot, gùm, sleiper, steft di koló, map pa skol, skref di 24 linia, skref pa aritmétika i map grandi di 23 renchi. E aña aki ta rekoudá artíkulonan pa skol – aña eskolar 2019-2020- pa Kolegio Cola Debrot. Por trese e artíkulonan di skol na Carnaval Casino Player’s Center te ku dia 25 di yüni for di 10’or di mainta pa 9’or di anochi.
Komo gratitut Carnaval Casino i tambe Renaissance Curaçao Resort lo rifa dos anochi den Renaissance Curaçao Resort komo promé premio, entre tur ku a hasi un donashon di artíkulonan di skol. Di dos premio; un sena pa 2 persona na Infinity Beach Club, terser premio; Carnaval Casino $75 free play, di kuater premio; un desayuno pa 2 persona i finalmente un di sinku premio; Carnaval Casino $50 free play. Risibí un formulario pa kada donashon, kompletá e informashon riba esaki i deposit’é den e tómbola na Carnaval Casino. Lo saka e ganadónan dia 27 di yüni. *E ganadónan no mester ta presente durante di e sorteo. For di awòki Renaissance Curaçao Resort & Carnaval Casino i Wind Creek Hospitality ta gradisí tur hende pa nan aporte na ‘Building towards the future’.
