Konseho di Minister di Reino mester tene kuenta tambe ku otro konsehonan!

Konseho di Minister di Reino mester tene kuenta tambe ku otro konsehonan!

Parlamentario Curtley Obispo den e reunion di Parlamento di Kòrsou di dia 10 yüni 2019 a indiká bon kla ku Konseho di Minister di Reino Hulandes mester tene kuenta tambe ku otro konsehonan pa mehorá finansa publiko di Pais Kòrsou. Mester tene kuenta tambe ku konsehonan balioso di: (1) e Rapòrt ““Steunend op eigen kracht, maar met de wil elkander bij te staan” di e komishon 2018 ku a evaluá e Lei di Reino Supervishon Finansiero di Paisnan Kòrsou i Sint Maarten, (2) e Rapòrt di Kontrolaria General di Hulanda “Resultaten verantwoordingsonderzoek 2018 Koninkrijksrelaties (IV) en BES-fonds (H), (3) e relato anual di 2018 di Raad van State i (4) e rapòrt di IMF titula “Curaçao Main Conclusions of the IMF Staff Visit June 7, 2019. Tur e konsehonan balioso aki huntu ta mustra bon kla: (1) un vishon nobo pa ku e futuro di finansa publiko di Pais Kòrsou i (2) ku Konseho di Minister di Reino Hulandes i Gobièrnu di Kòrsou riba nivel di Reino Hulandes mester por yegá na palabrashon konkreto pa ku solushonnan struktural i duradero pa loke ta trata finansa publiko di Pais Kòrsou. Pues Konseho di Minister di Reino Hulandes mester tene debidamente kuenta tambe ku e konsehonan aki pa ku futuro di finansa publiko di Pais Kòrsou.

Parlamentario Curtley Obispo tambe a mustra ku na e momento aki no por  kumpli ku e normanan finansiero pa ku e kuenta koriente di Pais Kòrsou pasombra tin sirkunstansianan eksepshonal (“bijzondere omstandigheden”) a base di artíkulo 7 insiso 4 di Lei di Komptabilidat di Kòrsou i tambe artíkulo 25 di e Lei di Reino Supervishon Finansiero di Paisnan Kòrsou i Sint Maarten. Sirkunstansianan eksepshonal ku ta obligá i tambe ta buta ku na e momento aki ku no por kumpli ku e normanan finansiero di e kuenta koriente di Pais Kòrsou a base di: (a) artíkulo 85 insiso 2 i 4 di Areglo di Estado di Kòrsou i (b) artíkulo 15 di e Lei di Reino Supervishon Finansiero di Paisnan Kòrsou i Sint Maarten. Parlamentario Curtley Obispo a indiká tambe bon kla ku e sirkunstansianan aki tambe ta wòrdu menshoná den e rapòrtnan di IMF, Raad van State, Kontrolaria General di Hulanda i e komishon 2018 ku a evaluá e Lei di Reino Supervishon di Finansiero Paisnan Kòrsou i Sint Maarten.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: