Sentro di Bario Montaña a selebrá nan 45 aniversario

Sentro di Bario Montaña a selebrá nan 45 aniversario

Di un forma masha ameno ku invitadonan spesial ku durante di e 45 aña nan a nifiká hopi na desaroyo i kresementu di SB Montaña.

A hiba palabra sr. Elsio Solassa, un di e fundadó nan di SB Montaña, ku a ekspresá su sentimentunan pa ku eksistensia di e Sentro. Despues e la pasa palabra pa sra. Poppy Bernadina, ku tin 12 aña komo Presidente di SB Montaña.

Tambe a trese dilanti tur loke e sentro ta nifiká pa e bario i bisindario i ku huntu ku su direktiva aktual lo bai hasi tur nan esfuerso pa mantené asina tambe. Sra. Poppy a presentá su direktiva ku ta, sra. Merle Pinedo Vise Presidente ( ku ta den eksterior), Surinda Zijlstra komo Tesorero, Altagracia Juliana 2do Tesorero, Shariyles Bentura Komisario, Giovanny  Ramzan Komisario i Audrey Alberto Komisario.

Tambe Poppy huntu ku su direktiva a honra tres hóben boluntario, ku a kuminsá for di mucha i awe ta lidernan den diferente aktividat di e Sentro. Nan ta Rutshaily Kleinmoedig, Chantal Brown i Alyani Rosalina. Direktiva tabata tin un sorpresa tambe pa nan dos miembronan maskulino ku ta nan “Bodyguard” nan i ku semper por konta ku nan,  Giovanny Ramzan i Shariyles Bentura.

Na final a gradesí tur presente, por a sosialisá i disfrutá di algu di kome i bebe i un tremendo mesa di Keshi pa deleitá.

 

 

 

 

 

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: