UoC siguiendo ruta di internashonalisashon

UoC siguiendo ruta di internashonalisashon

Geplaatst op 12 Yüni 2019 dor di Ministerio di Enseñansa, Siensia, Kultura & Deporte

Willemstad- Resientemente Minister di Enseñansa sra. Marilyn Alcalá-Wallé a risibí bishita di Rektor di Universidat di Kòrsou sr. Francis DeLanoy (kompañá pa sr. Ergün Erkoçu, dekano di fakultat di Siensia Tékniko) i Rektor di Institushon Universitario Pascual Bravo di Medellín, Colombia sr. Juan Pablo Arboleda Gaviria i su asesor sr. Carlos Pinto den kuadro di lasonan di koperashon i interkambio na benefisio di e studiantenan di ambos universidat.

E Universidat Pascual Bravo, un instituto privá, a keda fundá na 1935 i ta un institushon di edukashon superior ku ta ofresé programa profesional na e komunidat (tékniko, teknológiko i universitario). Den 2007, e “Ministerio de Educación Nacional” di Colombia, a duna respaldo pa transformashon di e “Instituto Tecnológico Pascual Bravo” pa un institushon universitario. E aña aki 2019, e Institushon Universitario Pascual Bravo tin 4 karera universitario, 1 posgrado i 13 karera kortiku. E Institushon Universitario Pascual Bravo además tin un universidat virtual. Pa mas informashon por bishitá na página di WEB: www.pascualbravo.edu.co.

Minister Alcalá-Wallé na su turno a yama e ekipo bonbiní i a elaborá un ratu riba UoC i Gobièrnu su vishon pa ku e universidat. Gobièrnu den su Akuerdo di Gobernashon a duna di konosé ku ta redefiní e ròl di e universidat di Kòrsou (UoC) den formashon di nos studiantenan i e oportunidat pa e ta e sentro di formashon di den Karibe. Alabes Gobièrnu ta reposishoná e ròl di siensia, pa di un forma sistematiko optené konosementu den diferente forma pa asina sirbi nos komunidat i resolvé retonan (p.e. solushon di pobresa, konstrukshon di kas den e ambient trópiko, kambio di klima, energia i mas). Den e kuadro aki mester finalisá alabes e trabounan pa yega na un maneho di siensia i e lei di enseñansa Superior.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: