Instrukshon temporalmente for di mesa, pa akuerdo di kolaborashon por subi mesa.

Instrukshon temporalmente for di mesa, pa akuerdo di kolaborashon por subi mesa.

Frakshon di PAR ta felisitá Gabinete Rhuggenaath pa ku e kaminda ku e ta enkaminá i ta duna sosten pa ku e maneho ku ta keda hibá. Un relashonnan den Reino fuerte,  instituto/organisashon lokal uní i siudadanonan komprometé lo ta e liña kòrá pa garantisá bienestar pa Kòrsou.

Djaluna 10 di yüni último Parlamento di Kòrsou den un forma unánime a urgi Gabinete Rhuggenaath pa biaha pa Hulanda i duna un splikashon di e strategia di kresementu i konsekuensia di un posibel instrukshon pa ku esaki. Frakshon di PAR ta satisfecho pa mira ku Gabinete Rhuggenaath a asumí e reto aki i a biaha pa Hulanda, ku resultado ku e instrukshon di gobièrnu di Reino a kita temporalmente for di mesa, pa habri kaminda pa papia tokante kolaborashon.

Frakshon di PAR ta konsiente ku gabinete Rhuggenaath tin un plan duradero pa atendé ku e retonan finansiero i sosioekonómiko di Kòrsou. Esaki ta ankrá den diferente akshon ku ya kaba a inisiá i ku durante e próksimo temporada lo mester kontinuá. Stabilidat, komunikashon  i unidat den tur sektor lo demostrá di ta vital pa logra e metanan a korto i largo plaso. Parlamento di Kòrsou i miembronan di Parlamento tambe ta hunga un ròl den esaki. Adaptashon di leinan, kontròl di maneho i informá nos komunidat ku informashon verídiko ta parti fundamental di e tareanan komo parlamentario di Kòrsou. Pe esaki mes ban siguí riba e nota positivo aki i ku optimismo traha huntu na e retonan ku ta dilanti nos.

_____________________________________________________________

Ana -Maria Pauletta

Lider di Frakshon