Sharine Geerman a cumpli 30 aña den servicio di Gobierno

Sharine Geerman a cumpli 30 aña den servicio di Gobierno

ORANJESTAD – E siman aki sra. Sharine Geerman den presencia di su famia y colega hefe di departamento a recorda su 30 aña di servicio den Gobierno di Aruba. Durante un rato ameno na bureau di Minister di Finansa, Asuntonan Economico y Cultura, sra. Sharine Geerman a ricibi su decreto gubernamental corespondiente y un regalo chikito pa conmemora e fecha special aki for di Minister sra. Xiomara Ruiz-Maduro.

E mandatario a gradici Sra. Sharine pa e lealtad demostra na e servicio publico di nos Pais y a gradici Sharine pa su esfuerso y trabou di tur dia na Departamento di Impuesto. ‘Masha pabien sra. Sharine Geerman y nos ta spera di por conta cu hopi aña mas di bo trabou dedica,’ tabata palabra di gratitud expresa pa Minister  Ruiz-Maduro.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: