NOS SELEKSHON TA KAI VENSÍ I TA PÈRDÈ KU SKOR MÍNIMO DI 1-0 KONTRA EL SALVADOR DURANTE NOS PROMÉ PARTIDO DI GOLD CUP 2019!

NOS SELEKSHON TA KAI VENSÍ I TA PÈRDÈ KU SKOR MÍNIMO DI 1-0 KONTRA EL SALVADOR DURANTE NOS PROMÉ PARTIDO DI GOLD CUP 2019!

Lamentabelmente nos selekshon a kai vensí awe kontra El Salvador i a pèrdè ku skor mínimo di 1-0 durante nos promé partido di Gold Cup aya na Jamaica.

Nos a pèrdè un bataya pero e guera si no ta perdí. Ainda nos tin 2 partido mas pa demostrá kiko tur nos tin aden. Awor, nos tin ku sigui ku e trainingnan, drecha nos fayonan i sigui lucha pa nos bin tur ku tin pa nos segundo i nos terser partido di Gold Cup 2019. Despues di e promé partido na Jamaica nos lo biaha bai Merka pa hunga e 2 otro partidonan pa kompletá e promé buèlta di Gold Cup 2019!

 

Resultado di nos wega:

 

Fecha Resultado Tim A Tim B Stadion
17 yüni 19 0-1 Kòrsou El Salvador Independence Park

Kingston (Jamaica)

 

 

Skema di nos weganan:

 

Fecha Orario Tim A Tim B Stadion
21 yüni 19 9:30 PM Honduras Kòrsou BBVA Compass Stadium

Houston (Merka)

25 yüni 19 8:00 PM Jamaica Kòrsou Bank Of California Stadium

Los Angeles (Merka)

 

 

Despues di e 3 partidonan aki nos lo sa si nos a klasifiká pa e segundo buèlta di Gold Cup 2019.

Nos selekshon ta sigui konta ku e apoyo i sosten di hinter pueblo di Kòrsou komo e di 12 hungadó pa nos segundo partido di Gold Cup 2019!

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: