Workshop speshal tokante e Programa Memoria di Mundo (MoW)

Workshop speshal tokante e Programa Memoria di Mundo (MoW)

Geplaatst op 17 Yüni 2019 dor di Ministerio di Enseñansa, Siensia, Kultura & Deporte

Willemstad- Den kuadro di e Programa Memory of the World (MoW)  Kòrsou a risibí bishita di sra. Yolia Tortolero Cervantes, ku ta “Miembro del Comité mexicano de memoria del mundo UNESCO” i alabes “Miembro del Comité Regional para América Latina y el Caribe del Programa Memoria del Mundo”, di UNESCO pa e periodo 2015-2019). Sra. Tortolero a duna workshops na e diferente instansianan na Kòrsou (manera representantenan di Universidat UoC, NAAM, Museo di Kòrsou, CBS, Museo Tula, Biblioteka Mongui Maduro) tokante e konservashon i mantenshon i distribushon di e memoria i herensia na komunidat.

E Programa Memoria di Mundo (MoW) ta un inisiativa di UNESCO destiná pa preservá e patrimonio dokumental di mundo, albergá den bibliotekanan, archivonan i museonan komo símbolo di e memoria kolektivo di humanidat. E patrimonio ta reflehá e diversidat di nos komunidatnan, e diferente kulturanan, idioma, ku ta pertenesé na nos tur ku mester keda preservá, protegá i keda asesibel di forma permanente sin opstakulo pa humanidat.

E Programa Memoria di Mundo tin tres ophetivo prinsipal:
1. Fasilitá e preservashon di e patrimonio dokumental mundial mediante téknika mas adekuá posibel;
2. Fasilitá e akseso universal na e patrimonio dokumental. Ku e teknologianan moderno esei ta mas aksesibel;
3. Krea un mayor konsiensia den mundu di e eksistensha i e importansia di e patrimonio dokumental. Den e kuadro aki mester amplia e registronan di e Memoria di Mundu.

 

 

 

 

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: