Site icon KIKO TA PASANDO NOTISIA I INFORMASHON

A sobra algun luga  pa Plan di fakansi 2019 di  Sentro di Bario Montaña

Advertisements

A sobra algun luga  pa Plan di fakansi 2019 di  Sentro di Bario Montaña

 

Willemstad- A sobra algun luga   pa partisipá na nos Plan di fakansi 2019. E aña ’ki nos ta bolbe organisá nos plan di fakansi ku tur aña ta un éksito rotundo ku partisipashon di mas o ménos 85 mucha. E aña ‘ki nos ta kumpli 12 aña.

 

Pa medio di e karta aki nos di Direktiva di Sentro di Bario Montaña ta informá bo ku inskripshon a habri  pa nos plan di fakansi. Ya ta 12 aña ku nos ta organisá plan di fakansi pa nos muchanan di bario di Montaña i bisindario. Tur aña e akohida ta asina grandi i ku nos tabatin partisipashon di 85  mucha di bario. 

Nos tema di e aña aki lo : “BAN YENA NOS BIDA KU KOLO POSITIVO”

 

E yu mester tin edat di 5 pa 15 aña pa por partisipá.

Djis yena e formulario aki ku firma di e mayor responsabel pa e mucha i entreg’é na sentro di bario Montaña .

Último dia pa entregá formulario yená korekto ta 30  yüni 2019 despues di e dia ei nos no ta tuma mas mucha. Kòrda nos kantidat ta te ku 100 mucha, i tur aña tin mucha ta keda afó.

Tambe bo por haña e formulario na Sentro mes.

Kada kontribushon mester ta pagá promé ku 5 yüli 2019  na Sentro di Bario Montaña.

Kada mucha mester bisti T-shirt, karson djins i kèts na pia.

 

Ki dia e plan di fakansi ta kuminsá ?

E plan di fakansi ta dura 2 siman di djaluna pa djabièrnè.

E ta kuminsá dia 15 yüli i ta terminá dia 26 yüli 2019

Ora : 7.00 di mainta pa 1 or mèrdia. 

Lugá : Sentro di Bario Montaña (Stakamachiweg z/n dilanti santana di Montaña)

 

Kiko nos ta ofresé durante e dos simannan ?

Lo tin: Desayuno 7 or – 7.45  

Djus i algu di pasaboka 10 or – 10.30or

Algu pa tene stoma te ora yega kas 12.00 – 12.45

Lo tin skema adaptá ku por tin kambio  

Tur grupo lo karga nòmber ku ta enserá e tema di Plan di fakansi 2019 Lo tin charlanan hopi interesante, obra di man, dia di deporte, konosé diferente parti di Kòrsou i krea arte pa asina e mucha mes desaroyá su talento; lo tin tambe  un dia di siña kushiná, traha pasaboka i hopi aktividat kreativo i edukativo.

 

Pa mas informashon, pregunta o sugerensia por tuma kontakto ku 

Sentro di Bario Montaña na Stakamahachiweg entre 9 mainta 12 ‘or mèrdia; atardi entre 5 pa 7 or anochi . Por yama di djaluna pa djabier na :  767-1600/675-3595/529-5512 of mail

Exit mobile version