Frakshon di MFK a entrega na Parlamento, petishon pa un reunion públiko relashoná ku atrakonan ku ta tuma lugá den kasnan di famia
Frakshon di MFK a entrega na Parlamento, petishon pa un reunion públiko relashoná ku atrakonan ku ta tuma lugá den kasnan di famia
Frakshon di MFK a tuma nota ku tin un kantidat grandi di atrako ta tuma lugá den kasnan di famia. Esaki ta un fenómeno ku mester wòrdu atendé ku man duru. No por ta asina ku siudadanonan no por tin seguridat i trankilidat den nan propio kas.
Esaki ta motibu ku nos frakshon a pidi un reunion públiko pa atendé ku Minister di Hustisia señor Quincy Girigorie, riba esaki, pero tambe riba e ola di atrako den tiendanan i tambe ladronisia di outo òf partinan di outo.
E Minister aki ta pretendé ku e tin kriminalidat bou di kontrol, miéntras ku Kourou kompleto ta tuma nota ku esaki no ta e kaso i ku diariamente tin mas ku un kaso di atrako na Kòrsou.
Frakshon di MFK ta kumpli ku nos tarea di sali na interes di pueblo di Kòrsou i representá bosnan i un forma digno den Parlamento. Pero nos eksperensia ku e Minister di Hustisia aktual, ta unu di lamentá. Un Minister di Hustisia ku no ta duna rèspèt na trabou di Parlamento, konforme nos areglo di estado, ku no ta bin Parlamento ku regularidat i no ta kontesta kartanan ku pregunta di Parlamentarionan.
Minister Girigorie te ainda ta pendiente pa bin Parlamento pa kaba di duna informashon riba e droga ku a wòrdu hòrta for di warda di polis na Garipituweg. For di 22 di desèmber ku e reunion aki a wòrdu di skors te ku awe, Parlamento i pueblo di Kòrsou ta warda riba e Minister pa bin duna kuenta i rason riba e kaso aki i kenta wòrdu pone responsabel den e kadena di hustisia pa e akto aki.
Meskos nos ta konstatá ku hasiendo uso di nos derecho konforme artíkulo 96 di reglamentu di órden pa hasi pregunta na un Minister, no ta wòrdu respetá pa Minister Girigorie. Den e tabla athunto por tuma nota ku e Minister no ta kontesta preguntanan hasi na dje dor di frakshon di MFK i kuantu dia a transkurí sin ku e Minister a kontesta
Mirando ku atrako den kas di famia por tin resultadonan fatal pa kualkier famia, nos ta urgi presidente di Parlamento pa duna e petishon aki prioridat, pa asina pueblo di Kòrsou por sa kiko konkretamente Minister di Hustisia ta hasiendo pa siudadanonan por tin trankilidat i seguridat den nan kas.
Kòrsou, 19 di yüni 2019
Na nòmber di frakshon di MFK
Juniël Carolina
Miembro di Parlamento
# | Registratie- Nummer | Onderwerp | Brief van Statenlid | Datum Brief | Datum Heden | Aantal dagen Onbeant-woord |
1 | 0302-1 V/18-19 | Brief d.d. 24 april 2019 van het Statenlid J.R. Carolina aan de Minister van Justitie met als onderwerp: Tin hopi reklamo últimamente riba e servisio di “Slachtofferhulp” i mester duna e situashon aki atenshon i yega na un solushon. | Carolina | 24-Apr-19 | 19-Jun-19 | 56 |
2 | 0234-1 V_18-19 | Prezunan ku a risibí un kastigu di Terbeschikkingstelling (TBS) serka hues i ku ta sintando nan kastigu den SDKK | Cooper | 22-Feb-19 | 19-Jun-19 | 117 |
3 | 0552-1 V/17-18 | Kobransa di but na airopuerto di Kòrsou, ta un forma di “harassment” riba famianan ku ta bai ku fakansi | Pisas | 15-May-18 | 19-Jun-19 | 400 |
4 | 0161-2 V/17-18 | Preguntenan relashoná ku e proposishon di kambio di lei di Frakshon di MFK pa tint glasnan dilanti den banda di vehíkulonan | Pisas | 15-Nov-17 | 19-Jun-19 | 581 |