Riba Brionplein  Boy Thode ta selebra 45 aña den farandula, ku konsierto gratis. 

Riba Brionplein Boy Thode ta selebra 45 aña den farandula, ku konsierto gratis.

Willemstad – Tin e gran konsierto di Boy Thode selebrando su 45 aniversario den farandula. E idulo di tur tempu ke selebra ku pueblo di Korsou den su totalidat. Pesei e konsierto aki huntu ku mas musiko di un forma gratis.
Preparashonnan riba Brionplein ta den ful swing pa e magno evento start 8or en punto. E anochi lo kumisa ku kansionnan di gospel. Pa djis despues tur presente disfruta di diferente artista invita ku lo presenta huntu ku e agrupashon musikal ERA. I naturalmente e cheri riba e bolo pa e anochi, Boy Thode, ku tur su hitnan durante su 45 anja di trayektoria musikal.
Loke ta hasi e anochi aun mas great ta ku abo, komo publiko, lo tin chens di gana premio henter anochi. Tin un kantidat di 45 premio ku lo rifa entre tur esnan presente. Ku bo bòn ku bo a kumpra na bar riba Brionplein, bo tin chens di kai den premio.
E anochi lo termina alrededor di 12or, ora ku lo kanta Happy Birthday pa Boy Thode ku ta kumpli aña Djasabra 29 di yuni.
Pues e invitashon ta bai tantu na fanatikada di Boy I pueblo di Korsou kompletu, pa tei presente riba Brionplein pa disfruta di e dobel selebrashon aki. Bini ku bo stul I bin disfruta den un ambiente tur afo.