NOS SELEKSHON TA SIGUI MARKA HISTORIA I TA KLASIFIKÁ PA E KUART FINAL DI GOLD CUP 2019!

NOS SELEKSHON TA SIGUI MARKA HISTORIA I TA KLASIFIKÁ PA E KUART FINAL DI GOLD CUP 2019!

 

 

Nos selekshon ta sigui marka historia despues di a empatá kontra Jamaica ku skor di 1-1 i klasifiká pa e partidonan di kuart final di Gold Cup 2019 ku yudansa di Honduras ku a sa di Gana El Salvador ku skor di 4-0. Konsekuentemente El Salvador a keda eliminá huntu ku Honduras miéntras Kòrsou ku Jamaica a sigui pa e kuart final. Nos selekshon nashonal ta hasiendo un tremendo trabou den Gold Cup i ta sigui pone nos isla riba plano internashonal halado atenshon di rònt mundu. Nos a haña diferente mensahe di siguidónan di diferente pais pa felisitá nos selekshon pa e bon trabou ku nan ta hasiendo i pa enkurashá nan pa nan sigui hasi nan máksimo esfuerso. Tambe nos hungadónan Leandro Bacuna ku Eloy Room ta destaká i ta aparesé den e mihónan di e ‘group stage’ i tambe nos portero Eloy Room a keda skohé komo e portero ku a tapa mas bala ku lo por a bira gol. Esakinan ta logronan grandi pa nos selekshon i ta muestranan ku nos ta riba e bon kaminda.

 

Nos selekshon ya ta na Philadelphia pa sigui ku e preparashonnan pa nos partido di kuart final di Gold Cup. E partido aki lo ta kontra USA i lo tuma lugá, djadumingu, 30 di yüni 2019. USA a terminá na promé lugá den su grupo i nan ta bin bon prepará pa e partido aki. Nos selekshon ta bon motivá i ku hopi gana di sigui logra kosnan grandi pa nos dushi isla. P’esei ku mas rason nos selekshon lo duna tur ku tin pa bai ku e viktoria i asina klasifiká pa e semi final di Gold Cup ku lo tuma lugá dia 3 di yüli 2019.

 

 

Resultado di nos weganan:

 

Fecha Resultado Tim A Tim B Stadion
17 yüni 19 0-1 Kòrsou El Salvador Independence Park

Kingston (Jamaica)

21 yüni 19 0-1 Honduras Kòrsou BBVA Compass Stadium

Houston (Merka)

25 yüni 19 1-1 Jamaica Kòrsou Bank Of California Stadium

Los Angeles (Merka)

 

 

Tabla di posishon:

 

  Pais WH WG WE WP Punto GF GK Saldo
1 Jamaica 3 1 2 0 5 4 3 1
2 Kòrsou 3 1 1 1 4 2 2 0
3 El Salvador 3 1 1 1 4 1 4 -3
4 Honduras 3 1 0 2 3 6 4 2

 

Skema di nos próksimo wega:

 

Fecha Orario Tim A Tim B Stadion
30 yüni 19 8:30 PM USA Kòrsou Lincoln Financial Field

(Philadelphia)

 

 

E kolekshon nobo di suèter di nos selekshon, ku ta Nike original, a yega FFK!

Aparte di e suèternan nos a risibí ‘jacket’ i karson di ‘traingspak’ tantu pa mucha komo pa adulto na diferente ‘size’ i koló.

 

E preisnan di nos kolekshon nobo di merkansia di nos selekshon nashonal ta lo siguiente;

 

  • Jacket adulto (neon hel) fl.150,-
  • Jacket mucha (neon hel) fl.125,-
  • Suèter adulto (neon hel òf blou) fl.100,-
  • Suèter mucha (neon hel òf blou) fl.85,-
  • Karson di ‘trainingspak’ adulto (blou skur) fl.85,-
  • Karson di ‘trainingspak’ mucha (blou skur) fl.75,-
  • Shal di nos selekshon fl.25,-

 

E ‘size’ nan di mucha ta kore di XS te L miéntras di adulto ta kuminsá na S i ta yega te XXL.

Tur esaki optenibel na FFK bou di ora di ofisina.

 

Manera semper nos selekshon ta sigui konta ku e sosten, apoyo i bon vibrashon di hinter e pueblo di Kòrsou komo e di 12 hungadó pa e partido historiko aki!

 

28 yüni 2019

 

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: