Curaçao Lions Club tin direktiva nobo pa aña 2019 – 2020

Curaçao Lions Club tin direktiva nobo pa aña 2019 – 2020

 

Willemstad – Den un seremonia spesial na Landhuis Klein Kwartier Curaçao Lions Club a instalá su direktiva nobo pa aña 2019/2020. E seremonia a konta ku presensia di miembresia, representantenan di Aruba Lions Club, Bonaire Lions Club, otro klupnan di servisio i algun invitado spesial. Curaçao Lions Club ta eksistí 73 aña i e presidensia a keda enkargá un biaha mas na Mariela Romero. Ta un honor i privilegio ku mi por sirbi komo presidente di e klup di servisio mas bieu na Kòrsou pa un segundo término. Ku e meta prinsipal pa sigui sirbi nos komunidat Mariela huntu ku su direktiva nobo ta enfoká riba kresementu di e klup. 

Durante e bunita anochi a instalá Melissa Arroyo i Urving Pieter komo miembro. Huntu ku sobra 54 miembro nan lo sigui duna un aporte positivo na nos komunidat. 

Miembronan di direktiva di Curaçao Lions Club 2019 – 2020 ta: Mariela Romero, Presidente; Ellen Klok, Treasurer; Alexis Daou, Secretary; David Levy Maduro 1st Vice President; Victor Libiee 2nd Vice President; Angelo Hironimus 3rd Vice President; Michael Hernandez, Membership Director; Don Hernandez, Director; Edsel Celestijn, Director i Leo Lemmens komo Tamer.

Nos ta deseá direktiva nobo di Curaçao Lions Club hopi éksito!