Curacao Innovation & Technology Institute A start ku registrashon di empresarionan pa partisipa na  Curacao Innovation Award 2019.

Curacao Innovation & Technology Institute

A start ku registrashon di empresarionan pa partisipa na

 Curacao Innovation Award 2019.

 

Willemstad – CITI a habri registrashon ofisial pa empresarionan por partisipa na e 21 edishon di Curacao Innovation Award. Registrashon ta habrí te ku 30 di Yuli i por inskribí riba e wèpsait www.innovationaward.cw

 

Curacao Innovation Award ta un evento anual pa invitá komersiantenan inovativo pa partisipá i alabes motivá komersio en general pa pensa i aktua inovativo den nan empresa. E evento a kumisa komo inisiativa di antes Innovatie Centrum Curacao (ICC) for di 1996. ICC a sigui ku su ehekushon te ku awor ku e kompania ta karga e nomber di CITI.

Ministerio di Desaroyo Ekonómiko a djoin e proyekto despues ku sosten finansiero. E anja aki tambe e ministerio ta partner esensial den e proyekto.

 

Un kantidat grandi di empresario a partisipa i gana e premio aki durante su trayektoria. E promé ganado di, antes yama `Innovatieprijs`, tabata fabrika di limonada Criollita.  Despues a sigui diferente ganado manera: Sentro Orto-fisiko Korsou, Maduro & Curiels Bank, CurAloe, Fundashon pa Planifikashon di Idioma (FPI), Better Deals, The CoffeeFactory, Skempi, IBIS Management, TV Direct, Stampwallet, Cariflix. I e premio 2018 a bai pa Skenicash.

 

Partisipantenan por kompetí den 5 kategoria. Pa kada kategoria CITI a aserka un organisashon, ku a base di nan ekspertisio, por analisá partisipantenan i skohe un ganado.

 

E kategorianan i e organisashonnan ta respektivamente:

Business Innovation Award den kolaborashon ku D&I.

Social Innovation Award konhuntamente ku Curacao Cares.

Sustainable Innovation Award lo ta na enkargo di Bedrijvenplatform Milieu (BPM),

Junior Innovation Award den kolaborashon ku CAAG Software miéntras ku e premio máksimo,

Curacao Innovation Award, lo ta na enkargo di Ministerio di Desaroyo Ekonómiko.

 

E kategoria ku ta gosa di un gran popularidat ta People`s choice award ku ta e premio otorgá na organisashon ku mas voto riba medionan sosial. Pues keda pendiente pa e videonan asina gusta di partisipantenan ku ta subi página di Facebook di CITi algun dia prome ku e evento i vota pa bo inovashon preferí.

 

E premio aki ta masha gusta bou di empresarionan pa e atenshon ku e kompania i inovashon ta hanja for ora ta den kontienda. Mayoria di e ganadonan a krese enormemente despues di partisipa i gana e premio aki.

 

CITI ta invitá, tur persona òf empresa ku proyektonan inovativo, pa partisipá na Curacao Innovation Award 2019. Tambe tin posibilidat ku e tim di CITI por asisitbu na ora di yena e formalrio di registrashon. Pa mas informashon tuma kontakto ku CITI na analies.hooi@citi.cw òf 7386299. Like e facebook Curacao Innovation & Technology Institute i keda na altura di tur desaroyo di e prestigioso premio aki.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: