Prosedura pa hasi un petishon pa dispensashon na Minister di Hustisia pa bini na remarke pa un Abogado pro deo

Prosedura pa hasi un petishon pa dispensashon na Minister di Hustisia pa bini na remarke pa un Abogado pro deo

Geplaatst op 9 Yüli 2019 dor di Ministerio di Hustisia

Dispensashon

Por pidi dispensashon pa bini na remarke pa un abogado pro- deo solamente pa kaso nan sivil. Pa kasonan penal mester akudí na Parket di Procureur Generaal. (Commissie toevoeging Strafzaken).

Prosedura pa hasi petishon pa kasonan sivil i labor

Sivil

Pa hasi petishon pa dispensashon pa bini na remarke pa un abogado pro- deo mester tuma un komprobante di entrada deklará na Ofisina di Impuesto. Ku e komprobante aki mester akudí na e ofisina di Ban Bario Bek den bo bario, ku lo referí bo na Ministerio di Hustisia si ta nesesario. Si bo wòrdu referí na Ministerio di Hustisia, Ban Bario Bek  mester stèmpel bo komprobante di entrada i parafeer esaki.

Labor

Si ta trata un kaso sivil di labor mester akudí na Ministerio di Sosial Labor i Bienestar sektor di labor (den boka di pueblo Ministerio di SOAW) di djaluna pa djaweps entre 8:00 or pa 10:00 or, ku lo referí bo na Ministerio de Hustisia si ta nesesario.

Si bo wòrdu referí na Ministerio di Hustisia lo pone un stèmpel riba bo komprobante di entrada deklará na Ofisina di Impuesto i parafeer esaki. Ku esaki bo mester presentá na konsulta di Ministerio di Hustisia.

Prosedura na Ministerio di Hustisia

Ministerio di Hustisia tin konsulta, pa dispensashon pa bini na remarke pa un abogado pro-deo, riba:

djamars mainta di 8:00- 11:30 or;

djárason mainta di 8:00- 11:30 or;

djaweps mèrdia di 14:00- 15:00 or.  

Na e konsulta lo bo risibí  un splikashon di e prosedura i un lista di rekisito ku mester entrega pa por hasi e petishon pa dispensashon.

Ora bo entrega e rekisito nan, lo bai wak pa medio di un kalkulashon si bo ta bini na remarke pa un dispensashon. Si bo ta bini na remarke e konsulent lo traha un Dekreto Ministerial (Ministeriële Beschikking) ku lo wòrdu firma dor di Minister di Hustisia.

Un empleado di agènda di Ministerio di Hustisia lo tuma kontakto ku bo pa bo pasa tuma bo Dekreto Ministerial. Ora Bo risibí e yamada bo ta kumpra un stampia di 10 florin i e empleado lo plak esaki riba e Dekreto i entrega bo esaki. E proseso aki por dura 3 pa 4 siman.

Bo ta hiba e Dekreto Ministerial  na bo ofisina di Ban Bario bek, den kasonan di labor na Ministerio di Sosial Labor i Bienestar sektor di labor i e konsulent lo sigui guia bo.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: