Hòmber ta tira su ruman ku tabata di bishita for di Kòrsou

Hòmber ta tira su ruman ku tabata di bishita for di Kòrsou

Un hòmber (22) ta sospechoso den tiroteo fatal na Assen, Hulanda. Su detenshon a keda alargá ku 90 dia djarason ultimo. E viktima, un hòmber di 32 aña, ta ruman di e sospechoso. El a keda tirá djaweps 27 di yüni den un bibienda den Rolderstraat na Assen. E sospechoso no a tira su ruman intenshonal, e bala no tabata dirigí pa mata su ruman. Momentu ku e tiroteo a tuma lugá den e bibienda, TT Festival a kaba di kuminsá pafó. Testigunan a deklará ku e sospechoso a kore sali for di e bibienda i a pidi pa yama e number di emergensia pasobra el a tira su ruman. E sospechoso a keda arestá i den e bibienda a enkontrá un arma di kandela. E sospechoso tabata hür e bibienda en kuestion i su ruman ku a bira viktima di e tiroteo tabata serka dje for di Kòrsou i tabata hospedá serka dje. Probablemente e kaso lo keda tratá den Korte durante luna di sèptèmber pròksimo.