MANIFESTASHON MATRIMONIO EKSKLUSIVO 12 di YULI 2019 WILHELMINAPLEIN/PARKE ALAMEDA LISTA di PREOKUPASHONdi PUEBLO di KÒRSOU pa ku LEI di Matrimonio entre personanan di mesun sekso

MANIFESTASHON MATRIMONIO EKSKLUSIVO
12 di YULI 2019 WILHELMINAPLEIN/PARKE ALAMEDA
LISTA di PREOKUPASHONdi PUEBLO di KÒRSOU pa ku LEI di Matrimonio entre personanan di mesun sekso

1. Preokupashon ku “Comprehensive Sexual Education” CSE ku ta ser sostené dor di
Nashonnan Uní lo keda aseptá pa nos Gobièrnu. Esaki lo tin komo konsekuensha ku
muchanan edat di ocho aña pa ariba lo keda instruí kon pa praktiká entre otro sèks oral,
masturbashon, sèks ku personanan di e mesun sekso i tambe lo instruí nan tokante
benefisionan di sterilisashon i aborto.

2. Preokupashon pa ku Ideologia di Género ku ta trese un konfushon seksual i mental
enorme den mucha i hóbennan partikularmente esnan den edat di pubertat ku ta pasando
den e fase di desaroyo di nan identidat. Ora ku hormonanan seksual kuminsá funshoná, ta
bira hopi difísil pa ehersé dominio propio si tin konfushon riba Gender ID.

3. Preokupashon ku Fuente di entrada ora ku LGBT risibí rekonosementu i matrimonio
entre personanan di mesun sekso keda aseptá komo algu normal den nos komunidat, sierto
negoshi i trahadónan ku nenga ehekutá trabounan ku ta relashoná ku matrimonio homo
manera dòrnamentu di bolo pa matrimonio homo, printmentu di T shirt pa LGBT etc. lo por
risibí but òf lo por asta pèrdè nan trabou pa motibu ku ta konsiderá ku nan ta diskriminá

4. Preokupashon pa ku nos desaroyo ekonómiko. Prosperidat ta mará na moralidat,
famianan fuerte, kantidat di matrimonionan eksitoso ku yunan ta dependé riba dje, abilidat
general di dominio propio i prinsipionan di étika. Nos tin basta problema kaba ku sèks
parotin, malesa venériko, embaraso no deseá, aborto i divorsio. Segun investigashonnan
sèks entre dos hende hòmber ta kousa 40 biaha mas kasonan di HIV ku sèks hetero. Na
Kòrsou e medisinanan ta kosta alrededor di 30 mion pa aña. Pa nos añadí promoshon i
konfushon ku matrimonio homo lo trese ta un paso enorme den direkshon robes.
Preokupashon pa ku Homo Promo Kon nos lo por bringa promoshon di aktonan
homoseksual i transgender si e ta legal? Gran mayoria di mayornan no ke homo promo pa
nan yunan, pero nan lo no por risibí sosten di gobièrnu pa para kontra esaki pasobra ta algu
legal. Ken lo tin último outoridat kiko ta wòrdu instruí na nos muchanan (yunan)?

5. Preokupashon pa ku Libertat di Ekspreshon Tweede Kamer a pasa un moshon ku ta bisa
ku ‘homogenezing wordt strafbaar’ Ya kaba nan a saka yudansa sikológiko for di pakete di
salubridat na Hulanda , pasobra nan a establesé kaba ku bo no por kambia bo atrakshon
seksual. Pero tin miles di homo a kambia bira hetero bèk? Esnan ku a risibí yudansa no
tabatin derecho di buska e yudansa ei? I den futuro kon lo ta aki na Kòrsou ora ku un
persona ke buska e yudansa aki?

6. Preokupashon pa ku Libertat di Religion D66 na Hulanda ta boga pa hasi diskriminashon
kontra “seksuele geaardheid” mas haltu den rango den Grondwet Hulandes, ku libertat di
religion. Pasobra, atrobe, nan a establesé kaba ku bo ta nase homo pero bo ta skohe bo
religion. Pero e religion Kristian i vários otro religion ta papia di kondenashon eterno si
hende no para pa prinsipionan di Dios.

7. Preokupashon pa ku Libertat di Konsenshi Si LGBT haña poder legal, outomátikamente e
‘derechinan di LGBT’ ta bai reta komunidat di biba i tuma desishonnan segun nan konsenshi.

8. Preokupashon pa ku Media Kua obligashonnan media ta bai tin di promové i glorifiká tur
e desviashonnan seksual i ekskluí tur bos opuesto. Ken lo papia den programa i ken nò, kua
notisia lo pasa i kua nò?

9. Preokupashon pa ku Komersio. Banko i otro negoshinan ku lo promové
homoseksualismo pa medio di nan propagandanan. Tin gran parti di nos pueblo ku
konvikshon profundo kontra di komportashon homo ku lo keda ofendí i lo sinti nan obligá di
retirá nan sosten na sierto kompanianan. Esaki lo trese un kontroversia grandi den
komunidat.

10. Preokupashon pa ku loke ta Sagrado Tur kos ta bira komun. Tur kos mester bira igual
bèrdat? Tur hende mester haña mesun salario? Tur ku ta kompetí den deporte tin ku haña
un premio? Loke ta sagrado ta pa uzo eksklusivo. Matrimonio hetero no mag di ta
eksklusivo? Igualdat ke men ku no tin mag di tin diskriminashon entre kosnan ku ta igual
pero no ku tur kos mester ta igual. Klupnan tin reglamentu ken por bira miembro. Si bo no
kualifiká, bo ta ekskluí. Matrimonio ta algu sagrado i eksklusivamente pa personanan di dos
diferente sekso.

11. Preokupashon pa ku pèrdèmentu fo’i bista di e berdadero marginalnan, esta; pober,
wèrfano, biuda, muchanan ku ta ser abusá, ansianonan deskuidá , personanan ku kualkier
hèndikèp, etc.. Homo, Lesbiana, Biseksual Transgender i 50 desviashon mas ta presentá nan
mes komo viktima, komo sifuera nan mester di atenshon i sosten spesial, pero al mes
momentu, niun ora so nan no ta admiti ku tin algu robes ku nan. Esaki ta stroba di duna
dedikashon na berdadero víktimanan den komunidat.

12. Preokupashon pa ku moralidat di lidernan den komunidat. Pèrdida di konfiansa.
Mayornan mester por ta trankil ora ku nan manda nan yunan skol òf laga nan partisipá na
kualke klup ku e yunan aki lo wòrdu bon kuidá i no korumpí mentalmente ku teorianan
straño ku lo konfundí nan. Nos lidernan den tur área mester ta di moral haltu i vigilá pa nos
muchanan risibí e kuido aki.

13. Preokupashon pa ku e otro lèternan ku e homo lobby LGBT aki na Kòrsou ta
representá,
esta e ‘B’ i e ‘T’, un Bi seksual no por kasa ku un sekso so, e mester kasa ku dos. Kon ta bai
neng’é? 41% di Transgendernan ta intentá suisidio. Ora un hende bai dòkter bisa ku e ke kita
su brasa pasobra su brasa no ta klòp kuné dòkter lo mand’é un sikiatra. Meskos no por
konsiderá komo normal ku un persona ke kita su parti seksual pasobra e ta haya ku e no
mester ta na su kurpa.

14 Preokupashon pa Salú Spiritual di nos i siguiente generashon Sèks ta algu potente. Salú
Spiritual ta e manera ku bo ta mira bo bida riba mundu i bo mes komo ser humano. E ta
dependé kuantu resistensia un hende tin den situashonnan difísil i tentashonnan di
inmoralidat. E promé lugá ku salú spiritual ta wòrdu atendé kuné ta den iglesia pa asina e
por yuda den matrimonio i den famia. E supuesto derechinan di LGBT i CSE ta determinante
pa salú spiritual, kuminsando di ninga uzo natural di bo kurpa i e manera ku bo a wòrdu kreá
físikamente.

15 Preokupashon kon huesnan lo dikta Huesnan lo dikta pro matrimonio homoseksual si
parlamentarionan vota pa matrimonio homo, siendo ku tin 7 pais den Union Oropeo ku no
ta aseptápa den nan pais tin matrimonio homo.
NA NOMBER di GRAN PARTI di PUEBLO di KORSOU;
PRESENTASHON na PARLAMENTARIONAN;
Un PROPOSIHON di un AMIENDA KONSTITUSHONAL
Awe 12 di Yuli 2019 na Parke Alameda/Wilhelminaplein
—————————————————————————————————
STAATSREGELING VAN CURAÇAO, Algemene Bepalingen, Artikel 26
Lid 1 Het gezin wordt beschermd door de overheid. De overheid treft maatregelen ter
bevordering van een gezond gezinsleven.
Lid 2 Een huwelijk zal bestaan uitzonderlijk tussen een biologische man en een biologische
vrouw.
Lid 3 Geen rechten, regels of voordelen die tot het huwelijk behoren zullen aan een andere
eenheid verleend worden. Andere vormen van samenleving van welke aard dan ook tussen
personen worden op generlei wijze erkend.