Yaël Plet: ‘Aanwijzing’ Instrukshon, pa baha gastu. Nos no ta deskurashá, nos ke, por i ta siguí traha! 

Konseho di Minister di Reino, a duna instrukshon na gobièrnu di Kòrsou pa baha gastu. Gastu ta sèn pa salubridat, enseñansa, infrastruktura, onderstant etc. Gastu no ta nada mas, ni nada otro! Ki dia Reino/Úlanda lo realisá ku nos komunidat ta bou preshon di un ekonomia stanká pa años, un situashon sosial difísil, un refineria ku produkshon stanká i futuro insigur, i kolapse di Venezuela ku huntu ta forma  un situashon ekstra-ordinario? Ku mester mas tempu pa atendé e sirkumstansianan partikular aki…?